നിലമാമൂട് ഇന്റർനാഷണൽ ഷോട്ടോകാൻ കരാട്ടെയുടെ ആഭിമുഖ്യത്തിൽ സംഘടിപ്പിച്ച 16-ാമത് ദേശീയ കരാട്ടെ ചാമ്പ്യൻഷിപ്പ് പാറശാല കെ.എസ്. ഓഡിറ്റോറിയത്തിൽ വെച്ച് നടന്നു. മെയ് 10-ന് നടന്ന ടൂർണമെന്റ് പാറശാല എസ്.ഐ.എം വിജയകുമാർ ഉദ്ഘാടനം ചെയ്തു. കായികരംഗത്തെ പ്രമുഖരുടെ സാന്നിധ്യം കൊണ്ട് ശ്രദ്ധേയമായ ചടങ്ങിൽ ടൂർണമെന്റ് ഡയറക്ടർ ഷിഹാൻ ഫ്രാൻസിസ്, ദീർഘദൂര ഓട്ടക്കാരൻ ധനുവച്ചപുരം ബാഹുലേയൻ, കെ.എം. മണികണ്ഠൻ തുടങ്ങിയവർ പങ്കെടുത്തു.
മത്സരത്തിൽ മികച്ച പ്രകടനം കാഴ്ചവെച്ച കേരള ടീം 39 മെഡലുകൾ സ്വന്തമാക്കി ചാമ്പ്യൻഷിപ്പിൽ ഒന്നാം സ്ഥാനം കരസ്ഥമാക്കി. 28 മെഡലുകൾ നേടിയ തമിഴ്നാട് ടീം രണ്ടാം സ്ഥാനവും നേടി. കായിക താരങ്ങളുടെ ആവേശകരമായ പങ്കാളിത്തം കൊണ്ട് ടൂർണമെന്റ് ഏറെ ശ്രദ്ധേയമായി.
Photo and News Source: Kerala Kaumudi
