തിരുവനന്തപുരം ജില്ലയിലെ മുട്ടത്തറ ഡ്രൈവിംഗ് ടെസ്റ്റ് ഗ്രൗണ്ടിലായിരുന്നു ഡ്രൈവിംഗ് സ്കൂൾ ഉടമകളുടെയും ജീവനക്കാരുടെയും ആഘോഷം. പായസം, പടക്കം എന്നിവ ഉപയോഗിച്ച് കെ.ബി. ഗണേശ് കുമാറിന്റെ തോൽവി ആഘോഷിച്ചു. പത്തനാപുരം മണ്ഡലത്തിൽ യുഡിഎഫ് സ്ഥാനാർത്ഥി ജ്യോതികുമാർ ചാമക്കാലയാണ് ഗണേശ് കുമാരിനെ പരാജയപ്പെടുത്തിയത്.
ഗതാഗതമന്ത്രിയായിരിക്കെ ഗണേശ് കുമാർ തങ്ങളുടെ മേഖലയെ തകർത്തെന്നും പരാതികൾ കേൾക്കാൻ തയ്യാറായില്ലെന്നുമാണ് ആരോപണം. സാധാരണക്കാരുടെ സ്ഥാപനങ്ങൾ അടച്ചുപൂട്ടുക എന്നതായിരുന്നു മന്ത്രിയുടെ അജണ്ടയെന്നും ടെസ്റ്റുകളിൽ വിജയശതമാനം കുറയുമ്പോൾ മന്ത്രിയുടെ താല്പര്യപ്രകാരം കൂടുതൽ പേർ പാസാകുകയാണെന്നുമാണ് പരാതി.
ഓട്ടോമാറ്റിക് ടെസ്റ്റിംഗ് കേന്ദ്രങ്ങൾ എന്ന് വിളിക്കപ്പെട്ടിരുന്നെങ്കിലും ആറുമാസമായി പലയിടത്തും ക്യാമറകളോ മൈക്കോ പ്രവർത്തിക്കുന്നില്ല. ഗ്രൗണ്ടിലെ കാട് വെട്ടിത്തെളിക്കാൻ പോലും പണം പിരിക്കേണ്ട അവസ്ഥയാണെന്നും പലതവണ നേരിട്ട് കാണാൻ ശ്രമിച്ചെങ്കിലും മന്ത്രി കൂട്ടാക്കിയില്ലെന്നുമാണ് വിമർശനം.
Photo and News Source: Janmabhumi
