ചെന്നൈ: തമിഴ്നാട് നിയമസഭാ തിരഞ്ഞെടുപ്പിൽ തമിഴക വെട്രി കഴകം (ടിവികെ) നേടിയ അഭൂതപൂർവ്വ വിജയത്തെ തുടർന്ന് പാർട്ടി അധ്യക്ഷൻ വിജയ് മാതാപിതാക്കളുടെ അനുഗ്രഹം തേടി ചെന്നൈയിലെ വസതിയിലെത്തി.
പെരമ്പൂർ, ട്രിച്ചി ഈസ്റ്റ് മണ്ഡലങ്ങളിൽ നിന്നും വൻ ഭൂരിപക്ഷത്തോടെ വിജയ് തിരഞ്ഞെടുക്കപ്പെട്ടു. തിരഞ്ഞെടുപ്പ് ഫലം പ്രഖ്യാപിച്ചതിന് ശേഷം ചൊവ്വാഴ്ച വീട്ടിലെത്തിയ അദ്ദേഹം അച്ഛൻ എസ്.എ. ചന്ദ്രശേഖറിന്റെ പാദങ്ങളിൽ നമസ്കരിച്ചു. മാതാവ് ശോഭയും ബന്ധുക്കളും അദ്ദേഹത്തെ സ്വീകരിച്ചു.
വലിയ ആഘോഷങ്ങൾ ഒഴിവാക്കിയ വിജയ് കുടുംബത്തോടൊപ്പം സമയം ചെലവഴിക്കാൻ തീരുമാനിച്ചു. ചെന്നൈയിലെ വസതിക്ക് പുറത്ത് ആയിരക്കണക്കിന് പ്രവർത്തകരെ കൈവീശിയും പുഞ്ചിരിയോടെ സ്വീകരിച്ചു. ടിവികെ 108 സീറ്റുകൾ നേടി തമിഴ്നാട് നിയമസഭയിലെ ഏറ്റവും വലിയ ഒറ്റ കക്ഷിയായി.
ഭരണകക്ഷിയായ ഡിഎംകെയ്ക്ക് കനത്ത പ്രഹരമേൽപ്പിച്ചുകൊണ്ടാണ് ടിവികെ തമിഴ് രാഷ്ട്രീയത്തിൽ നിർണ്ണായക ശക്തിയായി ഉയർന്നത്. തിരഞ്ഞെടുപ്പ് കമ്മിഷന്റെ കണക്കുകൾ പ്രകാരം 234 അംഗ നിയമസഭയിൽ ടിവികെയുടെ വിജയം ചരിത്രപരമാണ്.
Photo and News Source: Kvartha
