ന്യൂഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ തിരക്ക് കുറയ്ക്കാനായി നിർമ്മിച്ച നോയിഡ അന്താരാഷ്ട്ര വിമാനത്താവളം ജൂൺ 15 മുതൽ പ്രവർത്തനം ആരംഭിക്കും. ബ്യൂറോ ഓഫ് സിവിൽ ഏവിയേഷൻ സെക്യൂരിറ്റിയിൽ (BCAS) നിന്നുള്ള അന്തിമാനുമതി ലഭിച്ചതിനെത്തുടർന്നാണ് ഇത് സാധ്യമാകുന്നത്.
ഇൻഡിഗോയാണ് ആദ്യമായി ഇവിടെനിന്ന് സർവീസ് നടത്തുന്ന വിമാനക്കമ്പനി. തുടർന്ന് ആകാശ എയർ, എയർ ഇന്ത്യ എക്സ്പ്രസ് എന്നിവയും പ്രവർത്തനം ആരംഭിക്കും. തുടക്കത്തിൽ ആഭ്യന്തര സർവീസുകളായിരിക്കും ലഭ്യമായിരുന്നത്. വർഷാവസാനത്തോടെ അന്താരാഷ്ട്ര സർവീസുകളും ആരംഭിക്കാനുള്ള പദ്ധതിയുണ്ട്.
ആദ്യ വർഷം തന്നെ 60 ലക്ഷത്തോളം യാത്രക്കാരെ പ്രതീക്ഷിക്കുന്ന ഈ വിമാനത്താവളം 3900 മീറ്റർ നീളമുള്ള ഒരു റൺവേയാണ് നിലവിൽ പ്രവർത്തനസജ്ജമായിട്ടുള്ളത്. പൂർണ്ണ വികസനത്തിനു ശേഷം റൺവേകളുടെ എണ്ണം ആറായി ഉയർത്താനാണ് പദ്ധതി. പ്രധാനമന്ത്രി നരേന്ദ്ര മോദി മാർച്ച് 28-ന് വിമാനത്താവളത്തിന്റെ ഉദ്ഘാടനം നിർവ്വഹിച്ചു.
Photo and News Source: Sathyam Online
