പത്ത് വർഷത്തിന് ശേഷം അധികാരം പിടിക്കാൻ യുഡിഎഫ്; മുഖ്യമന്ത്രിയാര്, മന്ത്രിമാരാര്? ചർച്ചകൾ ഉഷാർ. മുഖ്യമന്ത്രി വേണുഗോപാലോ ചെന്നിത്തലയോ സതീശനോ? സാമുദായിക സമവാക്യങ്ങളിൽ മന്ത്രിപ്പട്ടിക തയ്യാറാക്കി കോൺഗ്രസ്, കുഞ്ഞാലിക്കുട്ടിയുടെ നേതൃത്വത്തിൽ ലീഗും സജീവം. സണ്ണി ജോസഫും കുഞ്ഞാലിക്കുട്ടിയും ഉൾപ്പെടെയുള്ളവരുടെ പേരുകളും മന്ത്രി ചർച്ചകളിൽ

തിരുവനന്തപുരം: യുഡിഎഫിന് എക്സിറ്റ് പോളുകളിൽ മേൽക്കൈ ലഭിക്കുമെന്ന് പ്രവചനമുണ്ടായതോടെ കോൺഗ്രസിലും മുസ്ലീംലീഗിലും മന്ത്രിസഭയെക്കുറിച്ചുള്ള ചർച്ചകൾ സജീവമായി. മത-സാമുദായിക സമവാക്യങ്ങളെ അടിസ്ഥാനമാക്കിയാണ് മന്ത്രിമാരെ തെരഞ്ഞെടുക്കാൻ ശ്രമം. കോൺഗ്രസിന് 11 മന്ത്രിസ്ഥാനങ്ങൾ ലഭിക്കുമെന്നാണ് കണക്കാക്കുന്നത്. മുഖ്യമন্ত্রി സ്ഥാനാർത്ഥികളായി കെ. സി. വേണുഗോപാൽ, രമേശ് ചെന്നിത്തല, വി. ഡി. സതീശൻ എന്നിവരുടെ പേരുകൾ പരിഗണനയിലുണ്ട്. വേണുഗോപാൽ മുഖ്യമന്ത്രിയായാൽ സതീശൻ മന്ത്രിസഭയിൽ ചേരാൻ മടി കാണിക്കുമെന്നാണ് അഭിപ്രായം.

രമേശ് ചെന്നിത്തല മുഖ്യമന്ത്രിയായാൽ സതീശന് മന്ത്രിസ്ഥാനം ലഭിക്കുമെന്നും, അഭ്യന്തര വകുപ്പ് വിട്ടുകൊടുക്കാനും അദ്ദേഹം തയാറാകുമെന്നുമാണ് സൂചന. സതീശൻ മുഖ്യമന്ത്രിയായാൽ ചെന്നിത്തല മന്ത്രിസഭയിൽ ചേരുമോ എന്നത് സംശയമാണ്. പത്ത് വർഷമായി അധികാരത്തിൽ ഇല്ലാത്തതിനാൽ ചെന്നിത്തലയ്ക്ക് മന്ത്രിസ്ഥാനം സ്വീകരിക്കാൻ തയാറാകുമെന്നാണ് കരുതുന്നത്. മുഖ്യമന്ത്രി സ്ഥാനം തീരുമാനിച്ച ശേഷം മാത്രമേ മന്ത്രിമാരുടെ പേരുകൾ പുറത്തുവരികയുള്ളൂ.

Photo and News Source: Sathyam Online