ന്യൂഡൽഹിയിൽ വച്ച് മോട്ടോറോള തങ്ങളുടെ G സീരീസിലെ പുതിയ മോഡലായ മോട്ടോ ജി47 വിപണിയിലിറക്കി. 108MP പ്രൈമറി കാമറയും 5,200mAh ബാറ്ററിയുമാണ് ഈ ഫോണിന്റെ പ്രധാന ആകർഷണങ്ങൾ.
Dimensity 6300 SoC പ്രോസസറിൽ പ്രവർത്തിക്കുന്ന ഈ ഫോണിന് 8GB LPDDR4X റാമും 256GB UFS 2.2 സ്റ്റോറേജുമുണ്ട്. മൈക്രോ എസ്ഡി സപ്പോർട്ടിലൂടെ സ്റ്റോറേജ് 1TB വരെ വികസിപ്പിക്കാനാകും.
6.67 ഇഞ്ച് FullHD+ LCD ഡിസ്പ്ലേയാണ് ഫോണിനുള്ളത്. 120Hz റിഫ്രഷ് റേറ്റ്, ഗൊറില്ല ഗ്ലാസ് 7i സംരക്ഷണം എന്നിവ ഇതിന്റെ പ്രത്യേകതകളാണ്. സെൽഫികൾക്കായി 8MP ഫ്രണ്ട് കാമറും ഉണ്ട്.
ചതുരാകൃതിയിലുള്ള കാമറ ഐലൻഡില് മൂന്ന് ബാക്ക് കാമറകളും ഫ്ലാഷും ഉൾപ്പെടുത്തിയിരിക്കുന്നു. 5,200mAh ബാറ്ററി 20W വയർഡ്, 6W റിവേഴ്സ് ചാർജിങ്ങിന് സഹായിക്കുന്നു. സൈഡ് മൗണ്ടഡ് ഫിംഗർപ്രിന്റ് സ്കാനർ, ഡോള്ബി അറ്റ്മോസ് സ്റ്റീരിയോ സ്പീക്കറുകൾ, 3.5mm ഹെഡ്ഫോൺ ജാക്ക്, NFC എന്നിവയും ഉൾപ്പെടുന്നു.
പാന്റോൺ ഇംപെനട്രബിൾ, പാന്റോൺ നോട്ടിക്കൽ ബ്ലൂ, പാന്റോൺ ഫ്യൂഷിയ റെഡ് എന്നീ മൂന്ന് നിറങ്ങളിൽ ലഭ്യമായ ഫോണിന് ആൻഡ്രോയ്ഡ് 16 ഓപ്പറേറ്റിംഗ് സിസ്റ്റം പ്രവർത്തിക്കുന്നു.
Photo and News Source: Samakalika Malayalam
