ചണ്ഡീഗഡിലെ മഹാരാജ യാദവീന്ദ്ര സിങ്ങ് സ്റ്റേഡിയത്തിൽ നടന്ന പഞ്ചാബ് കിങ്സിനെതിരായ മത്സരത്തിൽ രാജസ്ഥാൻ റോയൽസിന്റെ ക്യാപ്റ്റൻ റിയാൻ പരാഗ് ഡ്രസ്സിങ് റൂമിൽ വേപ്പ് വലിക്കുന്ന ദൃശ്യങ്ങൾ പുറത്തുവന്നു. 16-ാം ഓവറിൽ ബ്രോഡ്കാസ്റ്റ് കാമറ ഡ്രസ്സിങ് റൂമിലേക്ക് തിരിഞ്ഞപ്പോൾ പരാഗ് വേപ്പ് ഉപയോഗിക്കുന്നത് ദൃശ്യമാക്കി. പുക പുറത്തേയ്ക്ക് വിടുന്നതും ദൃശ്യത്തിൽ ഉൾപ്പെടുന്നു. പരാഗ് പുറത്തായതിനുശേഷം സംഭവം നടന്നുവെന്ന് കണ്ടെത്തി. ആരാധകരും മാധ്യമങ്ങളും പരാഗിന്റെ പ്രവൃത്തിയെ ശക്തമായി വിമർശിച്ചു.
15 കാരനായ വൈഭവ് സൂര്യവംശി പോലുള്ള യുവതാരങ്ങൾക്ക് ക്യാപ്റ്റൻ മാതൃകയാകണമെന്ന ആവശ്യവും ഉയർന്നു. വേപ്പിംഗിനെക്കുറിച്ച് ഐപിഎല്ലിൽ പ്രത്യേക നിയമങ്ങളില്ലെങ്കിലും, പുകയില ഉൽപ്പന്നങ്ങളുടെ ഉപയോഗം ബിസിസിഐയുടെ ആരോഗ്യ-സുരക്ഷാ ചട്ടങ്ങൾക്കെതിരാണ്. രാജസ്ഥാൻ റോയൽസിന്റെ സ്ഥിരം ക്യാപ്റ്റനായ പരാഗിന്റെ ഈ പ്രവൃത്തി വിവാദമായി മാറി.
Photo and News Source: Samakalika Malayalam
