തിരുവനന്തപുരം: വൈദ്യുതി മന്ത്രി കെ കൃഷ്ണൻകുട്ടി സംസ്ഥാനത്തെ നിലവിലെ വൈദ്യുതി പ്രതിസന്ധിയെക്കുറിച്ച് വ്യക്തമാക്കി. ലോഡ് ഷെഡ്ഡിംഗ് നടക്കുന്നില്ലെന്നും ഉപഭോഗം കൂടുമ്പോൾ ഡ്രിപ്പ് സംഭവിക്കുന്നതാണെന്നും അദ്ദേഹം വ്യക്തമാക്കി. അപ്രതീക്ഷിത കാലാവസ്ഥാ മാറ്റങ്ങളും ഇലക്ട്രിക് വാഹനങ്ങളുടെ വർധനവും ഗാർഹിക വൈദ്യുതി ഉപഭോഗം ഉയർത്തിയെന്നും അദ്ദേഹം സൂചിപ്പിച്ചു.
പാചകവാതക ക്ഷാമത്തെ തുടർന്ന് ഇൻഡക്ഷൻ കുക്കറുകളുടെ ഉപയോഗം വർധിച്ചതും ലോഡ് വർധനവിന് കാരണമായി. വൈദ്യുതി ഉൽപാദനം കൂട്ടിയെന്നും മന്ത്രി അവകാശപ്പെട്ടു. എന്നാൽ, പുറത്തുനിന്നുള്ള വൈദ്യുതി വാങ്ങുന്നതിൽ റെഗുലേറ്ററി കമ്മീഷൻ കാലതാമസം ഉണ്ടാക്കിയെന്നും അദ്ദേഹം കുറ്റപ്പെടുത്തി.
കൊടും ചൂടിനിടെ ജനങ്ങൾക്ക് ഇരുട്ടടിയാകുന്നത് ലോഡ് ഷെഡ്ഡിംഗാണ്. വൈകീട്ട് 6 മുതൽ രാത്രി 12 വരെ അരമണിക്കൂർ വൈദ്യുതി നിയന്ത്രണം നടക്കുന്നു. കഴിഞ്ഞ മൂന്ന് വർഷത്തെ ഏറ്റവും ഉയർന്ന വെള്ളം ഡാമുകളിൽ എത്തിയിട്ടും പ്രതിസന്ധി നിലനിൽക്കുന്നു. ഡാം മാനേജ്മെന്റിലെ പിഴവുകളും ഉൽപാദനത്തിലുണ്ടായ ആസൂത്രണക്കുറവുമാണ് കാരണം.
കേന്ദ്ര സർക്കാരിന്റെ ‘പിഎം സൂര്യഘർ’ പദ്ധതി തടഞ്ഞതാണ് കേരളത്തിന്റെ വൈദ്യുതി ക്ഷാമത്തിന് ഒരു പ്രധാന കാരണമെന്ന് വിദഗ്ദ്ധർ ചൂണ്ടിക്കാണിക്കുന്നു.
Photo and News Source: Janmabhumi
