ഹാന്റാ വൈറസ് രോഗവ്യാപനം സ്ഥിരീകരിച്ചതിനെത്തുടർന്ന് സ്പെയിനിൽ നങ്കൂരമിട്ടിരുന്ന 'എം.വി ഹോണ്ടിയസ്' എന്ന ആഡംബര കപ്പൽ നെതർലൻഡ്സിലെ റോട്ടർഡാമിലേക്ക് യാത്ര ആരംഭിച്ചു. കപ്പലിൽ നിലവിൽ 25 ജീവനക്കാരും രണ്ട് ആരോഗ്യ പ്രവർത്തകരുമാണുള്ളത്. ഇവർക്ക് ആർക്കും തന്നെ നിലവിൽ രോഗലക്ഷണങ്ങൾ ഇല്ല എന്നത് ആശ്വാസകരമാണ്.
നെതർലൻഡ്സിൽ എത്തിയ ശേഷം കപ്പലിലുള്ളവരെ 42 ദിവസത്തെ കർശനമായ ഐസൊലേഷനിലേക്ക് മാറ്റും. കൂടാതെ, കപ്പൽ പൂർണമായും അണുവിമുക്തമാക്കാനുള്ള നടപടികളും അധികൃതർ സ്വീകരിക്കും. കപ്പലിലുണ്ടായിരുന്ന 87 യാത്രക്കാരെ നേരത്തെ തന്നെ പ്രത്യേക വിമാനങ്ങൾ വഴി അതത് രാജ്യങ്ങളിലേക്ക് സുരക്ഷിതമായി എത്തിച്ചിരുന്നു.
എം.വി ഹോണ്ടിയസ് ഒരു ഡച്ച് കപ്പലായതിനാൽ, ജീവനക്കാരുടെയും നാട്ടിലേക്ക് മടങ്ങാൻ കഴിയാത്തവരുടെയും പൂർണ്ണ ഉത്തരവാദിത്വം നെതർലൻഡ്സ് സർക്കാർ ഏറ്റെടുത്തിരിക്കുകയാണ്. ഇതിനകം രണ്ട് ഇന്ത്യക്കാർ ഉൾപ്പെടെയുള്ള 35 ജീവനക്കാരെ നെതർലൻഡ്സിലെത്തിച്ചു കഴിഞ്ഞു. അതേസമയം, സ്പെയിനിലെ ഒരു പൗരന് കൂടി രോഗം സ്ഥിരീകരിച്ചതോടെ ഹാന്റാ വൈറസ് ബാധിച്ചവരുടെ എണ്ണം 11 ആയി ഉയർന്നു.
Photo and News Source: Kerala Kaumudi Latest
