തമിഴ്നാട് മുഖ്യമന്ത്രിയായി വിജയ് അധികാരമേറ്റതിന് പിന്നാലെ നടന്ന സത്യപ്രതിജ്ഞാ ചടങ്ങും അതിനെത്തുടർന്നുണ്ടായ വിവാദങ്ങളും വലിയ ചർച്ചകൾക്കാണ് വഴിവെച്ചിരിക്കുന്നത്. ചെന്നൈ നെഹ്റു സ്റ്റേഡിയത്തിൽ നടന്ന ചടങ്ങിൽ നടി തൃഷയുടെ സാന്നിധ്യം വലിയ വിമർശനങ്ങൾക്കും അഭ്യൂഹങ്ങൾക്കും കാരണമായിരിക്കുകയാണ്. വിജയ്യുടെ രാഷ്ട്രീയ നേട്ടങ്ങൾക്കിടയിലും അദ്ദേഹത്തിന്റെ വ്യക്തിജീവിതത്തിലെ അസ്വാരസ്യങ്ങളും ഭാര്യ സംഗീതയുമായുള്ള വിവാഹമോചന വാർത്തകളും സോഷ്യൽ മീഡിയയിൽ സജീവ ചർച്ചാവിഷയമാണ്.
ഈ സാഹചര്യത്തിലാണ് ഗായിക സുചിത്ര തൃഷയ്ക്കെതിരെ കടുത്ത വിമർശനങ്ങളുമായി രംഗത്തെത്തിയിരിക്കുന്നത്. ഫസ്റ്റ്പോസ്റ്റിന് നൽകിയ അഭിമുഖത്തിൽ തനിക്ക് തൃഷയെ ഒട്ടും ഇഷ്ടമല്ലെന്ന് സുചിത്ര തുറന്നുപറഞ്ഞു. വിജയിക്കുന്ന വ്യക്തികളുടെ ജീവിതത്തിലേക്ക് കടന്നുവരുന്ന ഒരു 'പരാദജീവി'യെപ്പോലെയാണ് തൃഷയെന്നും സുചിത്ര പരിഹസിച്ചു. കുടുംബത്തിൽ നിന്നും ഭാര്യയിൽ നിന്നും അകന്ന് വിജയ് ഇപ്പോൾ ഒറ്റപ്പെട്ട അവസ്ഥയിലാണെന്നും അവർ കൂട്ടിച്ചേർത്തു.
വിജയ്യുടെ രാഷ്ട്രീയ ഭാവിയെക്കുറിച്ചും സുചിത്ര ആശങ്ക പങ്കുവെച്ചു. രാഷ്ട്രീയത്തിന്റെ സങ്കീർണ്ണമായ വഴികളിൽ വിജയിയെ നയിക്കാൻ പിതാവ് എസ്.എ. ചന്ദ്രശേഖറിന് മാത്രമേ സാധിക്കൂ എന്ന് അവർ അഭിപ്രായപ്പെട്ടു. പിതാവിന്റെ പിന്തുണയില്ലാതെ രാഷ്ട്രീയത്തിൽ വിജയിക്ക് പിടിച്ചുനിൽക്കാനാവില്ലെന്നും സുചിത്ര വ്യക്തമാക്കി. തമിഴ് സിനിമാലോകത്തെ പ്രമുഖ നടിയുമായുള്ള ബന്ധമാണ് സംഗീതയുടെ വിവാഹമോചന തീരുമാനത്തിന് പിന്നിലെന്ന റിപ്പോർട്ടുകൾക്കിടെയാണ് സുചിത്രയുടെ ഈ വെളിപ്പെടുത്തൽ വലിയ ശ്രദ്ധ നേടുന്നത്.
Photo and News Source: Malayali Life
