കണ്ണൂരില് ബൈക്കും സ്വകാര്യ ബസും കൂട്ടിയിടിച്ചുണ്ടായ അപകടത്തില് യുവാവിന് ദാരുണാന്ത്യം. ഓണപറമ്പ് ജുമാമസ്ജിദിന് സമീപത്തെ ആശാരി വളപ്പില് മുഹമ്മദ് ഫഹീം (18) ആണ് മരണപ്പെട്ടത്. ഇന്ന് വൈകിട്ടോടെയായിരുന്നു നാടിനെ നടുക്കിയ അപകടം സംഭവിച്ചത്.
കൊട്ടിലയിലേക്ക് പോവുകയായിരുന്ന ബൈക്കും തളിപ്പറമ്പിലേക്ക് സര്വീസ് നടത്തുകയായിരുന്ന കാര്വര്ണ്ണന് സ്വകാര്യ ബസുമാണ് അപകടത്തില്പ്പെട്ടത്. ബൈക്കില് കൂടെയുണ്ടായിരുന്ന മുഹമ്മദ് അബ്റാര് (18) എന്ന യുവാവിന് ഗുരുതരമായി പരിക്കേറ്റു. ഇദ്ദേഹത്തെ വിദഗ്ധ ചികിത്സയ്ക്കായി മംഗളൂരുവിലെ സ്വകാര്യ ആശുപത്രിയിലേക്ക് മാറ്റിയിരിക്കുകയാണ്.
ഷരീഫ്-അഫ്സത്ത് ദമ്പതികളുടെ മകനാണ് മരണപ്പെട്ട മുഹമ്മദ് ഫഹീം. ഫര്ഹാന്, ഫൈഹ എന്നിവരാണ് സഹോദരങ്ങള്. അപകടത്തെത്തുടര്ന്ന് പ്രദേശത്ത് വലിയ തോതിലുള്ള ദുഃഖം അലയടിക്കുകയാണ്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Photo and News Source: Samakalika Malayalam
