മലയാളികളുടെ പ്രിയതാരം മഞ്ജു വാര്യരെ കേന്ദ്ര കഥാപാത്രമാക്കി ആനന്ദ് മേനന് സംവിധാനം ചെയ്യുന്ന പുതിയ ചിത്രത്തിന് 'ഹാപ്പിലൂപ്പ്' എന്ന് പേരിട്ടു. ചിത്രത്തിന്റെ ടൈറ്റില് അനൗണ്സ്മെന്റ് പോസ്റ്റര് അണിയറപ്രവര്ത്തകര് പുറത്തുവിട്ടു. 'ഗൗതമന്റെ രഥം', 'വാഴ' എന്നീ ശ്രദ്ധേയമായ ചിത്രങ്ങള്ക്ക് ശേഷം ആനന്ദ് മേനന് സംവിധാനം ചെയ്യുന്ന സിനിമയാണിത്.
ചിത്രത്തില് മഞ്ജു വാര്യര്ക്കൊപ്പം വലിയൊരു താരനിര തന്നെ അണിനിരക്കുന്നുണ്ട്. മുകേഷ്, ജെ പി തുമിനാട്, മധു വാര്യര്, വി കെ പ്രകാശ്, നീരജ രാജേന്ദ്രന്, നിധിന്യ, അനു, നിശാന്ത് സാഗര്, ആതിര രാജീവ് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. 'സു ഫ്രം സോ' എന്ന ചിത്രത്തിലൂടെ ശ്രദ്ധേയനായ ജെ പി തുമിനാട് ഈ ചിത്രത്തിന്റെ ഭാഗമാകുന്നത് ഏറെ ആകാംക്ഷയോടെയാണ് പ്രേക്ഷകര് നോക്കിക്കാണുന്നത്.
മൂവി ബക്കറ്റിന്റെ ബാനറില് ബിനീഷ് ചന്ദ്രനാണ് ഈ ചിത്രം നിര്മ്മിക്കുന്നത്. ആഷിഖ് ഐമറാണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. ഗൗതം ശങ്കര് ഛായാഗ്രഹണവും കണ്ണന് മോഹന് എഡിറ്റിംഗും നിര്വഹിക്കുന്നു. ഇലക്ട്രോണിക് കിളി, പാര്വതീഷ് പ്രദീപ് എന്നിവരാണ് സംഗീത സംവിധാനം.
ക്രിപേഷ് അയ്യപ്പന്കുട്ടി പ്രൊഡക്ഷന് ഡിസൈനറായും, അനീഷ് സി സലിം എക്സിക്യൂട്ടീവ് പ്രൊഡ്യൂസറായും പ്രവര്ത്തിക്കുന്നു. റോണക്സ് സേവ്യര് മേക്കപ്പും ലിജി പ്രേമന് വസ്ത്രാലങ്കാരവും നിര്വഹിക്കുന്നു. പി ആര് ഒ ആയി എ എസ് ദിനേശ്, ശബരി എന്നിവര് പ്രവര്ത്തിക്കുന്നു. ചിത്രത്തിന്റെ മറ്റ് സാങ്കേതിക വശങ്ങളും അണിയറപ്രവര്ത്തകരും ചേര്ന്ന് മികച്ചൊരു ദൃശ്യാനുഭവം തന്നെ പ്രേക്ഷകര്ക്ക് സമ്മാനിക്കുമെന്ന പ്രതീക്ഷയിലാണ് സിനിമാ ലോകം.
Photo and News Source: Samakalika Malayalam
