ജയ്പൂരിലെ കോട്ടയിൽ, മത്സരപരീക്ഷകൾക്കായി തയ്യാറെടുക്കുന്ന വിദ്യാർഥികളുടെ ഹോസ്റ്റലുകളിൽ ഫാനുകൾക്ക് ചുറ്റും ഇരുമ്പ് ഗ്രില്ലുകൾ സ്ഥാപിച്ച വീഡിയോ സാമൂഹ്യമാധ്യമങ്ങളിൽ വൈറലായി. ആത്മഹത്യ തടയാനുള്ള നടപടിയായാണ് ഇതിനെ വിശേഷിപ്പിക്കുന്നത്. അടുത്തകാലത്തായി ആത്മഹത്യകൾ വർധിച്ചുവരുന്ന പശ്ചാത്തലത്തിലാണ് ഈ നടപടി. മുമ്പ് സ്പ്രിങ് ഘടിപ്പിച്ച ഫാനുകൾ നിർബന്ധമാക്കിയിരുന്നു. എന്നാൽ ഇപ്പോൾ പൂർണ്ണമായും ഗ്രില്ലുകളിൽ അടച്ചിരിക്കുന്നു. ഈ നടപടി വ്യാപകമായി നടപ്പിലാക്കിയതാണോ എന്ന കാര്യത്തിൽ ഔദ്യോഗിക സ്ഥിരീകരണമില്ല. ഇത്തരം നീക്കങ്ങൾ പൊതുജനങ്ങളിൽ നിന്ന് പരിഹാസവും വിമർശനവും ഉയർത്തിയിട്ടുണ്ട്.
‘ഫാൻ വൃത്തിയാക്കാൻ എന്ത് ചെയ്യും? ’ എന്നും ‘എസി വെച്ചു കൊടുക്കാമല്ലോ’ എന്നുമുള്ള ചോദ്യങ്ങൾ കമന്റുകളിൽ നിറഞ്ഞു. വിദ്യാഭ്യാസസമ്പ്രദായം മാറ്റാതെ ഇത്തരം നടപടികൾ ഫലപ്രദമാകുമോ എന്ന സംശയവും ഉയർന്നിട്ടുണ്ട്. ആത്മഹത്യ തടയാൻ മറ്റു മാർഗ്ഗങ്ങൾ തേടേണ്ടതാണെന്ന അഭിപ്രായങ്ങളും ഉയർന്നിട്ടുണ്ട്.
Photo and News Source: Mathrubhumi
