വേനൽ കടുത്തു; പുഴകളുടെ നാടിന്റെയും നാവ് വരണ്ടു, കാസർ​ഗോഡ് നീരൊഴുക്ക് നിലച്ച് പുഴകൾ

കാസർഗോഡ് ജില്ലയിലെ പുഴകൾ കടുത്ത വേനലിൽ വറ്റി വരണ്ടു കിടക്കുന്നു. പുത്തിഗെ പുഴയിലെ നീരൊഴുക്ക് പൂർണമായും നിലച്ചു. ഇതോടെ പുഴയുടെ നടുവിൽ ചെറിയ കിണറുകളുണ്ടാക്കി കുടിവെള്ളത്തിനും കൃഷിക്കുമായി വെള്ളം കണ്ടെത്തുകയാണ് നാട്ടുകാർ.

ബാബു പൂജാരി, രാമറൈ, ബാലകൃഷ്ണ റൈ തുടങ്ങിയ തൊഴിലാളികൾ ഈ കിണറുകളിലെ ചെളി നീക്കം ചെയ്ത് വെള്ളം ലഭ്യമാക്കാൻ ശ്രമിക്കുന്നു. മുൻവർഷങ്ങളിൽ മഴ ലഭിച്ചതിനാൽ ഇത്തരമൊരു പ്രതിസന്ധി ഉണ്ടായിരുന്നില്ല.

ഈ വർഷം കടുത്ത വരൾച്ചയെത്തുടർന്ന് കാസർഗോഡ് ജില്ലയിൽ കാര്യമായ മഴ ലഭിച്ചിട്ടില്ല. പയസ്വിനിപ്പുഴ, തേജസ്വിനിപ്പുഴ എന്നിവയും വറ്റി വരണ്ടു കിടക്കുന്നു. മഴ ലഭിക്കാതെ പോയാൽ പുഴകളുടെ നാട് കടുത്ത പ്രതിസന്ധിയിലാവും.

Photo and News Source: Kairali News