മനാമയിൽ അന്താരാഷ്ട്ര തൊഴിലാളി ദിനം ആഘോഷിച്ച മൈത്രി ബഹ്റൈൻ, ക്ലീനിങ് തൊഴിലാളികൾക്ക് ഭക്ഷണം വിതരണം ചെയ്തു. സമൂഹത്തിന്റെ ശുചിത്വവും സുരക്ഷയും ഉറപ്പാക്കുന്ന തൊഴിലാളികളുടെ അദമ്യ സേവനത്തെ ആദരിക്കുന്ന പരിപാടിയായിരുന്നു ഇത്. സലിം തയ്യിലിന്റെ നേതൃത്വത്തിൽ നടന്ന ചടങ്ങിൽ ജനറൽ സെക്രട്ടറി സക്കിർ ഹുസൈൻ സ്വാഗതം ആശംസിച്ചു.
ഉപദേശക സമിതി അംഗം ഷിബു പത്തനംതിട്ട ഉദ്ഘാടനം നിർവഹിച്ചു. ചീഫ് കോർഡിനേറ്റർ സുനിൽ ബാബു മെയ് ദിന സന്ദേശം നൽകി. ട്രഷറർ അബ്ദുൽബാരി നന്ദി, കെഎംസിസി ആക്ടിങ് സെക്രട്ടറി അഷ്റഫ് കാട്ടിപ്പീടിക, ചാരിറ്റി കൺവീനർ അൻവർ ശൂരനാട് എന്നിവർ ആശംസകൾ നേർന്നു. പടവ് നേതാക്കളായ മുസ്തഫ പട്ടാമ്പിയും ഉമർ പനായിക്കുളവും സന്നിഹിതരായി.
പ്രവർത്തനത്തിന്റെ ഭാഗമായി, തൊഴിലാളികളുടെ പരിശ്രമങ്ങളെ ആദരിക്കുകയും അവരുടെ ദിനചര്യയിൽ സന്തോഷം വിതരണം ചെയ്യുക എന്ന ലക്ഷ്യത്തോടെയാണ് ഈ സേവനം സംഘടിപ്പിച്ചത്. എക്സിക്യൂട്ടീവ് അംഗങ്ങളുടെ സജീവ സാന്നിധ്യവും പ്രവർത്തനവും പരിപാടിക്ക് ശക്തി പകർന്നു. എല്ലാവരുടെയും ഹൃദയവും ഈ മനുഷ്യതാ പ്രവർത്തനം കീഴടക്കി.
Photo and News Source: Sathyam Online
