മഹീന്ദ്ര ആൻഡ് മഹീന്ദ്രയുടെ പുതിയ ഇലക്ട്രിക് എസ്.യുവിയായ XUV 3XO ഇവിയുടെ ഡെലിവറി രാജ്യമെമ്പാടും ആരംഭിച്ചു. 456 കിലോമീറ്റർ റേഞ്ചുള്ള ഈ വാഹനം ഫെബ്രുവരിയിലാണ് വിപണിയിലെത്തുമെന്ന് പ്രതീക്ഷിച്ചിരുന്നെങ്കിലും സാങ്കേതിക കാരണങ്ങളാൽ ഡെലിവറി വൈകിയിരുന്നു. ഇപ്പോൾ ഡീലേഴ്ഷിപ്പുകളിൽ എത്തിത്തുടങ്ങിയ XUV 3XO ഇവി ഉപഭോക്താക്കളുടെ പ്രിയപ്പെട്ട വാഹനമായി മാറിയിരിക്കുന്നു.
XUV 3XO-യുടെ ഇലക്ട്രിക് പതിപ്പായ AX5, AX7L എന്നീ രണ്ട് വേരിയന്റുകളിലാണ് ലഭ്യമാകുന്നത്. നിലവിൽ AX5 വേരിയന്റ് ഡീലേഴ്ഷിപ്പുകളിൽ നിന്ന് ഏറ്റുവാങ്ങുന്ന ദൃശ്യങ്ങൾ സമൂഹമാധ്യമങ്ങളിൽ തരംഗമായി കാണപ്പെടുന്നു. XUV 3XO-യുടെ അടിസ്ഥാനത്തിലാണ് XUV 3XO ഇവി നിർമ്മിച്ചിരിക്കുന്നത്. മുമ്പ് വിപണിയിലുണ്ടായിരുന്ന XUV 400-യുടെ പരിഷ്കരിച്ച പതിപ്പാണിതെന്ന് പറയാം.
ഡിസൈനിന്റെ കാര്യത്തിൽ സാധാരണ XUV 3XO-യ്ക്ക് സമാനമാണെങ്കിലും, ക്ലോസ്ഡ് ഓഫ് ഗ്രിൽ, പരിഷ്കരിച്ച അലോയ് വീൽ, ഇവി ബാഡ്ജിംഗ് എന്നിവ ഇതിനെ വേറിട്ട് നിർത്തുന്നു. വിവിധ ഭാഗങ്ങളിലായി നൽകിയിട്ടുള്ള ബ്രാൻസ് ഇൻസെർട്ടുകൾ ഇലക്ട്രിക് വാഹനത്തിന് പ്രീമിയം ലുക്ക് നൽകുന്നു. 39.4 kWh ശേഷിയുള്ള ബാറ്ററി പാക്കാണ് XUV 3XO ഇവിയില് ഉൾപ്പെടുത്തിയിരിക്കുന്നത്.
Photo and News Source: DriveSpark
