പാപ്പരാസി എന്റർടൈൻമെന്റ് കമ്പനി ‘മണികണ്ഠൻ: ദി ലാസ്റ്റ് അവതാർ’ എന്ന പേരിൽ കൃത്രിമബുദ്ധി ഉപയോഗിച്ച് നിർമ്മിക്കുന്ന ആദ്യ മലയാളം സിനിമ പ്രഖ്യാപിച്ചു. പൗരാണിക വിശ്വാസങ്ങളും ആധുനിക യുഗവും ലയിപ്പിക്കുന്ന ഒരു മിത്തോളജിക്കൽ ആക്ഷൻ ത്രില്ലർ ഡ്രാമയാണിത്.
ഒരു അനാഥൻ, പ്രകൃതിദുരന്തത്താൽ നഷ്ടപ്പെട്ട ജീവിതത്തിൽ നിന്ന് ഗുരുകുല വിദ്യാഭ്യാസത്തിലൂടെയും ഭഗവാൻ അയ്യപ്പന്റെ ആത്മീയ പ്രഭാവത്തിലൂടെയും യോദ്ധാവായി മാറുന്ന കഥയാണ് ഈ ചിത്രം. ഹിമാലയത്തിന്റെ പശ്ചാത്തലത്തിൽ, 5000 വർഷം പഴക്കമുള്ള ഇന്ത്യൻ പുരാണങ്ങളെയും ദാർശനിക ആഴത്തെയും സംയോജിപ്പിക്കുന്നു.
‘സാങ്കേതികവിദ്യയുടെ പുതിയ യുഗത്തിൽ മാനവികത പരിണമിക്കുകയാണോ… അതോ മാറ്റിയെഴുതപ്പെടുകയാണോ?’ എന്നീ ചോദ്യങ്ങൾ ഉയർത്തുന്ന ഈ ചിത്രം, ആർട്ടിഫിഷ്യൽ ഇന്റലിജൻസ് ഉപയോഗിച്ച് സ്ക്രിപ്റ്റിംഗ് മുതൽ പോസ്റ്റ്-പ്രൊഡക്ഷൻ വരെ നിർമ്മിക്കുന്നു. നൂതനമായ ദൃശ്യാവിഷ്കാരമാണ് ഈ പ്രോജക്റ്റിന്റെ പ്രത്യേകത.
Photo and News Source: Janmabhumi
