മോഷണം ലക്ഷ്യമാക്കി വന്നു കിണറ്റിൽ വീണു. അന്യ സംസ്ഥാന തൊഴിലാളിയാണ് മോഷ്ട്ടിക്കാനെത്തിയ വീട്ട് മുറ്റത്തെ കിണറ്റിൽ വീണത്. കിണറ്റിൽ നിന്നും പുറത്തെടുത്ത മോഷ്ട്ടാവിനെ ആശുപത്രിയിലേക്ക് മാറ്റി

കോഴിക്കോട് കൊയിലാണ്ടിയിൽ നടന്ന മോഷണശ്രമം അന്യസംസ്ഥാന തൊഴിലാളിക്ക് കുഴപ്പമായി. ആസാം സ്വദേശിയായ 24 വയസുകാരനായ അഗസ്റ്റിൻ ബിർള്ള, നന്തിബസാറിലെ നിസാർ മൻസിൽ കുഞ്ഞബ്ദുള്ളയുടെ വീട്ടിലെ 24 അടി താഴ്ചയുള്ള കിണറ്റിൽ വീണു. വീട്ടമ്മ വെള്ളം കോരുന്നതിനിടെ കിണറ്റിൽ ഒരാൾ നിൽക്കുന്നത് ശ്രദ്ധിച്ചു.

വീട്ടമ്മയുടെ നിലവിളി കേട്ട് വീട്ടുകാരും നാട്ടുകാരും പോലീസിനെയും ഫയർഫോഴ്സിനെയും വിളിച്ചു. ഗ്രിൽ നീക്കി കുളിമുറി വഴി കടക്കാനുള്ള ശ്രമത്തിനിടെ കാല് തെറ്റിയാണ് വീണതെന്ന് പോലീസ് സംശയിക്കുന്നു. ഫയർഫോഴ്സും പോലീസും ചേർന്ന് ഇയാളെ കിണറ്റിൽ നിന്നും രക്ഷപ്പെടുത്തി. കൊയിലാണ്ടി താലൂക്ക് ആശുപത്രിയിലേക്ക് മാറ്റിയ ഇയാളുടെ നിലയെക്കുറിച്ച് അറിയില്ല.

Photo and News Source: Sathyam Online