പ്രവചന റിപ്പോർട്ട് പുറത്ത്: ലീഗ്–കോൺഗ്രസ് ക്യാമ്പുകളിൽ ആശങ്കയും അഭിപ്രായ ഭിന്നതയും. പ്രവചനപ്രകാരം, ഇടതുപക്ഷ മുന്നണി വീണ്ടും അധികാരത്തിലെത്താൻ സാധ്യതയുണ്ടെന്നും ഏകദേശം 74 സീറ്റുകൾ നേടാമെന്നും സൂചന. പ്രമുഖ പ്രവചന വിദഗ്ധനായ ഡോ. പൂക്കുഞ്ഞ് ജമ്മുക്ക് തങ്ങൾ നടത്തിയ വിലയിരുത്തലാണ് രാഷ്ട്രീയ ചർച്ചകൾക്ക് തീപിടിപ്പിച്ചത്.

റിയാദിൽ നിന്നുള്ള ഒരു രാഷ്ട്രീയ പ്രവചന റിപ്പോർട്ട് കേരളത്തിലെ തിരഞ്ഞെടുപ്പ് ചിത്രം മാറ്റിമറിക്കുമെന്ന സൂചന നൽകുന്നു. ഡോ. പൂക്കുഞ്ഞ് ജമ്മുക്ക് തങ്ങൾ നടത്തിയ പ്രവചനപ്രകാരം, ഇടതുപക്ഷ മുന്നണി വീണ്ടും അധികാരത്തിലെത്താൻ 74 സീറ്റുകൾ വരെ നേടുമെന്നാണ്. യുഡിഎഫിന് 63 സീറ്റുകളും, എൻഡിഎയ്ക്ക് 3 സീറ്റുകളുമെന്നാണ് പ്രവചനം. ഈ റിപ്പോർട്ട് പുറത്തുവന്നതോടെ യുഡിഎഫിനുള്ളിലെ ആശങ്കയും ഭിന്നതയും ശക്തമായി. മുസ്ലിം ലീഗ് നേതൃത്വത്തിനിടയിലും അഭിപ്രായ ഭിന്നത ഉയർന്നതായി റിപ്പോർട്ട്.

മുൻകാല പ്രവചനങ്ങൾ ശരിയായതായി ചൂണ്ടിക്കാട്ടുന്നവരും, ഇതിനെ തള്ളിക്കളയുന്നവരുമാണ്. തിരഞ്ഞെടുപ്പ് ഫലം വരുന്നതിന് മുൻപേ തന്നെ മുഖ്യമന്ത്രിസ്ഥാന പോരാട്ടവും ഗ്രൂപ്പ് പോളിറ്റിക്സും സജീവമായതോടെ യുഡിഎഫിനുള്ളിലെ ഏകോപനം ചോദ്യം ചെയ്യപ്പെടുന്നു. പ്രവചനത്തിൽ ചില മന്ത്രിമാർക്ക് പരാജയ സാധ്യതയുണ്ടെന്നും, ബേപ്പൂർ പോലുള്ള മണ്ഡലങ്ങളിൽ കടുത്ത മത്സരം ഉണ്ടാകുമെന്നും സൂചിപ്പിക്കുന്നു.

Photo and News Source: Sathyam Online