ബോളിവുഡിലും മിനിസ്ക്രീനിലും തിളങ്ങുന്ന നടി കൃതികാ കമ്ര തന്റെ കാസ്റ്റിങ് കൗച്ച് അനുഭവങ്ങളെക്കുറിച്ച് വെളിപ്പെടുത്തുന്നു. ന്യൂസ് 18-ന് നൽകിയ അഭിമുഖത്തിൽ, താൻ നേരിട്ട മോശം സാഹചര്യത്തെക്കുറിച്ച് വിവരിച്ചു. കാസ്റ്റിങ് കൗച്ചിൽ തനിക്കുണ്ടായ അനുഭവം ഭാഗ്യത്താലാണ് രക്ഷപ്പെട്ടതെന്നും, പരിക്കുകളൊന്നുമില്ലാതെ രക്ഷപ്പെട്ടതെന്നും കൃതിക പറഞ്ഞു. കരിയറിന്റെ തുടക്കകാലത്ത് വളരെ പ്രായം കുറഞ്ഞ സമയത്തായിരുന്നു ഈ അനുഭവം. സിനിമയിലുള്ളവർ ടെലിവിഷൻ താരങ്ങളെ താഴ്ന്നവരായി കാണുന്ന പ്രവണതയെക്കുറിച്ചും അവർ സംസാരിച്ചു. സീരിയലുകളിൽ നിന്നുള്ളവർ എന്ന നിലയിൽ താൻ നേരിടേണ്ടി വന്ന വേർതിരിവിനെക്കുറിച്ചും കൃതിക ഓർത്തെടുത്തു. സിനിമയും സീരിയലും തമ്മിൽ വ്യത്യാസമില്ലെന്നും, സന്തോഷത്തോടെ ടെലിവിഷൻ രംഗത്ത് പ്രവർത്തിച്ചതെന്നും അവർ വ്യക്തമാക്കി.
സ്ത്രീകഥാപാത്രങ്ങളെ സ്ക്രീനിൽ അവതരിപ്പിക്കുന്ന രീതിയെക്കുറിച്ച് താൻ വളരെ ബോധവതിയാണെന്നും കൃതിക പറഞ്ഞു. തന്നെ ഒരു ഫെമിനിസ്റ്റായി അടയാളപ്പെടുത്താൻ ആഗ്രഹിക്കുന്ന താരം, പിന്തിരിപ്പൻ ആശയങ്ങളെ മഹത്വവത്കരിക്കുന്ന ‘അടുക്കള നാടക’ങ്ങളിൽ നിന്നും ഷോകളിൽ നിന്നും വിട്ടുനിൽക്കുന്നു. പുരോഗമനപരമായ നിലപാടുകളുള്ള കഥാപാത്രങ്ങളെയാണ് താൻ ചെയ്യാൻ ആഗ്രഹിക്കുന്നതെന്നും കൃതിക വ്യക്തമാക്കി.
Photo and News Source: Malayalam Express
