ഡൽഹിയിൽ, രാജ്യത്ത് ജാതി സെൻസസ് നടത്തുമെന്ന കേന്ദ്ര സർക്കാരിന്റെ പ്രഖ്യാപനത്തിന് ഒരു വർഷം തികഞ്ഞിട്ടും നടപടിക്രമങ്ങളെക്കുറിച്ച് വ്യക്തത വരുത്തിയിട്ടില്ലെന്ന് കോൺഗ്രസ് ആരോപിച്ചു. ജാതി സെൻസസ് വൈകിപ്പിക്കാനാണ് പ്രധാനമന്ത്രി നരേന്ദ്ര മോദി ശ്രമിക്കുന്നതെന്ന് കോൺഗ്രസ് ജനറൽ സെക്രട്ടറി ജയറാം രമേശ് ആരോപിച്ചു. 2021-ൽ ജാതി സെൻസസ് നടത്തില്ലെന്നായിരുന്നു കേന്ദ്ര സർക്കാരിന്റെ നിലപാട്. എന്നാൽ 2025 ഏപ്രിൽ 30-ന് നിലപാട് തിരുത്തുകയും ജാതി സെൻസസ് പ്രഖ്യാപിക്കുകയും ചെയ്തു.
പ്രഖ്യാപനത്തിന് ഒരു വർഷം കഴിഞ്ഞിട്ടും വിവരശേഖരണം നടത്തുന്നതിനെക്കുറിച്ച് ഒരു മാർഗ്ഗരേഖയും പുറത്തിറക്കിയിട്ടില്ല. സംസ്ഥാന സർക്കാരുകളോ പ്രതിപക്ഷ പാർട്ടികളോ വിദഗ്ധരുമായോ ചർച്ച നടത്തിയിട്ടില്ലെന്നും ജയറാം രമേശ് കുറ്റപ്പെടുത്തി. ജാതി സെൻസസ് ആവശ്യപ്പെട്ട കോൺഗ്രസിനെ 'അർബൻ നക്സൽ' ചിന്താഗതിക്കാരാണെന്ന് മോദി വിമർശിച്ചിരുന്നു. പിന്നീട് അതേ സെൻസസ് തന്നെ പ്രഖ്യാപിച്ച മോദി, തന്റെ ആരോപണത്തിൽ കോൺഗ്രസ് നേതൃത്വത്തോട് മാപ്പു പറയണമെന്നും ജയറാം രമേശ് ആവശ്യപ്പെട്ടു.
ജാതി സെൻസസ് വേഗത്തിലാക്കണമെന്ന് ആവശ്യപ്പെട്ട് കോൺഗ്രസ് അധ്യക്ഷൻ മല്ലികാർജുന ഖർഗെ പ്രധാനമന്ത്രിക്ക് അയച്ച കത്തുകൾക്ക് മറുപടിയും ലഭിച്ചിട്ടില്ല.
Photo and News Source: Sathyam Online
