ഗൂഗിൾ പുറത്തിറക്കുന്ന പുതിയ ആർട്ടിഫിഷ്യൽ ഇന്റലിജൻസ് ചാറ്റ്ബോട്ട് 'ആസ്ക് യൂട്യൂബ്' വീഡിയോകളുമായി സംവദിക്കാൻ ഉപയോക്താക്കളെ സഹായിക്കും. വീഡിയോ പ്ലേ ചെയ്യുമ്പോൾ തന്നെ അതിലെ പ്രധാന വിവരങ്ങൾ സംഗ്രഹിക്കാനും, യാത്രാ പദ്ധതികൾ രൂപകൽപ്പന ചെയ്യാനും, സംശയങ്ങൾ നേരിട്ട് ചോദിക്കാനും ഈ സേവനം ഉപകരിക്കും.
വീഡിയോ പ്ലെയറിന് താഴെയോ സെർച്ച് ബാറിലോ ഉള്ള ബട്ടൺ വഴി ഉപയോക്താക്കൾ എഐയുമായി സംവദിക്കാൻ കഴിയും. ഈ ഫീച്ചർ 18 വയസ്സിനു മുകളിലുള്ള യൂട്യൂബ് പ്രീമിയം വരിക്കാർക്ക് മാത്രമാണ് ലഭ്യമാകുക. നിലവിൽ ഇംഗ്ലീഷ്, ഹിന്ദി, അറബിക് ഉൾപ്പെടെ ഒൻപത് ഭാഷകളിൽ ഈ സേവനം ലഭ്യമാണ്.
മൊബൈൽ, വെബ്, സ്മാർട്ട് ടിവി, ഗെയിം കൺസോളുകൾ എന്നിവയിലും ഈ ഫീച്ചർ ഉപയോഗിക്കാൻ കഴിയും. ടിവികളിൽ റിമോട്ട് അല്ലെങ്കിൽ വോയിസ് കമാൻഡുകൾ ഉപയോഗിച്ച് സംവദിക്കാനും സാധിക്കും. എന്നാൽ, വികസന ഘട്ടത്തിലായതിനാൽ മറുപടികളുടെ കൃത്യതയിൽ വ്യത്യാസമുണ്ടാകാം. 2026 ജൂൺ 8 വരെയാണ് പരീക്ഷണ കാലാവധി നിശ്ചയിച്ചിരിക്കുന്നത്. ഭാവിയിൽ സാധാരണ ഉപയോക്താക്കൾക്കും ഈ സേവനം ലഭ്യമാക്കാനാണ് ഗൂഗിൾ തീരുമാനിച്ചിരിക്കുന്നത്.
Photo and News Source: Malayalam Express
