മലപ്പുറം ജില്ലയിൽ വാഹനം ഓടിക്കുന്നതിനിടെ യുവാവ് കുഴഞ്ഞുവീഴുകയും മരണപ്പെടുകയും ചെയ്തു. കൊണ്ടോട്ടി കരിപ്പൂര് സ്വദേശിയായ 38 കാരൻ സൈനുല് ആബിദ് ആണ് മരിച്ചത്. ഒമാനിലെ ഹൈമയില് കോഫീ ഷോപ്പ് നടത്തിയിരുന്ന അദ്ദേഹം ലീവിന് നാട്ടിലേക്ക് തിരിച്ചെത്തിയിരുന്നു.
പുതിയ വീട്ടിലേക്ക് താമസം മാറിയിരുന്ന ആബിദ്, ചൊവ്വാഴ്ച കിഴിശ്ശേരി മേലേപുരക്കല് ആശുപത്രി മുന്നില് വെച്ച് വാഹനം ഓടിച്ചു പോകുന്നതിനിടെ കുഴഞ്ഞുവീഴുകയായിരുന്നു. ഉടനെ അടുത്തുള്ള ആശുപത്രിയിലും പിന്നീട് കോഴിക്കോട് മെഡിക്കൽ കോളജ് ആശുപത്രിയിലും പ്രവേശിപ്പിച്ചു. ബുധനാഴ്ച രാവിലെ അവിടെ വച്ച് അദ്ദേഹം അന്തരിച്ചു.
Photo and News Source: Siraj Live
