കേരളത്തിൽ കനത്ത ചൂടിന് ആശ്വാസമാകുംവിധം അടുത്ത അഞ്ച് ദിവസം മഴ ലഭിക്കുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകിയിരിക്കുന്നു.
ഏപ്രിൽ 29 മുതൽ മെയ് 2 വരെ വിവിധ ജില്ലകളിൽ മഴക്കാനുള്ള സാധ്യതയെത്തുടർന്ന് കേന്ദ്ര കാലാവസ്ഥാ വകുപ്പ് മഞ്ഞ അലർട്ട് പ്രഖ്യാപിച്ചിരിക്കുന്നു. തിരുവനന്തപുരം, കൊല്ലം, പത്തനംതിട്ട, കോട്ടയം ജില്ലകളിൽ ഏപ്രിൽ 29-നും, ഇടുക്കി, കണ്ണൂർ, കാസറഗോഡ് ജില്ലകളിൽ ഏപ്രിൽ 30-നും മഴയെക്കുറിച്ച് മുന്നറിയിപ്പുണ്ട്.
പത്തനംതിട്ട, ഇടുക്കി, വയനാട് ജില്ലകളിൽ മെയ് 1-നും, ആലപ്പുഴ, കോട്ടയം, എറണാകുളം, വയനാട് ജില്ലകളിൽ ഏപ്രിൽ 2-നും മഴയെക്കുറിച്ച് മുന്നറിയിപ്പ് നൽകിയിരിക്കുന്നു. 24 മണിക്കൂറിൽ 64.5 മുതൽ 115.5 മില്ലിമീറ്റർ വരെ മഴ ലഭിക്കുമെന്നാണ് പ്രവചനം. ഇടിമിന്നലിനും ശക്തമായ മഴയ്ക്കും സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്ന് ദുരന്ത നിവാരണ അതോറിറ്റി അറിയിച്ചു.
വൈദ്യുതി ഉപകരണങ്ങൾ ഉപയോഗിക്കുന്നവർ ഉച്ചയ്ക്ക് 2 മണി മുതൽ ജാഗ്രത പാലിക്കണമെന്നും അതോറിറ്റി നിർദ്ദേശിച്ചിരിക്കുന്നു.
Photo and News Source: Kairali News
