പശ്ചിമ ബംഗാളിൽ രണ്ടാംഘട്ട വോട്ടെടുപ്പിന്റെ പരസ്യ പ്രചാരണം പൂർത്തിയായി. നാളെ 142 മണ്ഡലങ്ങളിലായി വോട്ടെടുപ്പ് നടക്കും. കൊൽക്കത്ത നോർത്ത്, കൊൽക്കത്ത സൗത്ത്, ഹൗറ, നാദിയ, നോർത്ത് 24 പരഗണാസ്, സൗത്ത് 24 പരഗണാസ്, ഹൂഗ്ലി, പൂർവ ബർദമാൻ ജില്ലകളിലെ മണ്ഡലങ്ങളിലാണ് വോട്ടെടുപ്പ്.
ഭരണകക്ഷിയായ തൃണമൂല് കോൺഗ്രസും പ്രതിപക്ഷ ബി.ജെ.പിയും പരസ്പരം വാക്പോരിൽ ഏർപ്പെട്ടു. മുഖ്യമന്ത്രി മമതാ ബാനർജിയും ബി.ജെ.പി നേതാവ് സുവേന്ദു അധികാരിയും ഏറ്റുമുട്ടുന്ന ഭവാനിപൂർ മണ്ഡലം ഏറ്റവും ശ്രദ്ധേയമാണ്.
പ്രധാനമന്ത്രി നരേന്ദ്ര മോദി, ബി.ജെ.പി സർക്കാരിന്റെ സത്യപ്രതിജ്ഞ ചടങ്ങിനായി മേയ് 4-ന് സംസ്ഥാനത്തേക്ക് തിരിച്ചെത്തുമെന്ന് പ്രഖ്യാപിച്ചു. തൃണമൂല് ജനറൽ സെക്രട്ടറി തന്മയി ഘോഷ്, സംസ്ഥാനത്തിന് പുറത്തുനിന്നുള്ള നേതാക്കൾ 4-ന് ശേഷം സംസ്ഥാനത്തുണ്ടാകില്ലെന്ന് വ്യക്തമാക്കി.
വോട്ടെടുപ്പിൽ കനത്ത പോളിംഗ് ഉണ്ടാകുമെന്ന് പ്രതീക്ഷിക്കുന്നു. ആദ്യഘട്ടത്തിൽ 92.35% പോളിംഗ് രേഖപ്പെടുത്തിയിരുന്നു. മേയ് 4-ന് വോട്ടെണ്ണലും നടക്കും. കേരളം ഉൾപ്പെടെ അഞ്ച് സംസ്ഥാനങ്ങളിലും ഒരേ ദിവസം വോട്ടെണ്ണൽ നടത്തും.
Photo and News Source: Siraj Live
