കോഴിക്കോട് കുറ്റ്യാടിക്കടുത്ത് മുണ്ടക്കുറ്റിയിൽ ഒരു വീട്ടിൽ വെള്ളിക്കെട്ടൻ പാമ്പുകളെ കണ്ടെത്തി. ഒരു വയസ്സുള്ള മകനും എട്ടുവയസ്സുള്ള മകളും കിടന്നുറങ്ങിയ കട്ടിലിലെ തലയണയ്ക്കടിയിൽ നിന്ന് വെള്ളിക്കെട്ടൻ പാമ്പിനെ കണ്ടെത്തി. തുടർന്ന് ബാത്ത്റൂമിലും മറ്റു മുറികളിലും കൂടി നാല് പാമ്പുകളെ കണ്ടെത്തി. രാത്രിയിൽ നാട്ടുകാർ വീടും പരിസരവും അരിച്ചുപെറുക്കിയപ്പോൾ രണ്ട് പാമ്പുകളെ കൂടി കണ്ടെത്തി. ആകെ അഞ്ച് വെള്ളിക്കെട്ടൻ പാമ്പുകളെയാണ് വീട്ടിൽ നിന്നും കണ്ടെത്തിയത്.
അപകടം ഒഴിവാക്കിയതിൽ ആശ്വസിക്കുന്ന രമേശൻ, ഭീതി ഇപ്പോഴും ഒഴിയുന്നില്ലെന്ന് പറഞ്ഞു. സിമന്റ് ചെയ്ത ഭിത്തികളും ടൈൽ പാകിയ നിലവും ഉള്ള വീട്ടിലാണ് പാമ്പുകൾ കണ്ടെത്തിയത്. കുറ്റ്യാടി ജനകീയ ദുരന്തനിവാരണ സേന പ്രവർത്തകനായ രമേശൻ, ഇതെല്ലാം ശ്രദ്ധിക്കണമെന്ന് അഭിപ്രായപ്പെട്ടു.
Photo and News Source: Mathrubhumi
