സംസ്ഥാനത്ത് പാമ്പ് കടിയേൽക്കുന്നവരുടെ എണ്ണത്തിൽ വർധനയുണ്ടായി. ചൂട് കൂടിയതോടെയാണ് ഈ വർധന രേഖപ്പെടുത്തുന്നത്. ഇന്നലെ ഇടുക്കിയിലും കണ്ണൂരിലും പാമ്പുകടിയേറ്റ് രണ്ടുപേർ മരിച്ചു. തിരുവനന്തപുരത്ത് അഞ്ചുപേർക്കാണ് പാമ്പിന്റെ കടിയേറ്റത്. ആരോഗ്യവകുപ്പ് ജാഗ്രത നിർദ്ദേശം നൽകിയിട്ടുണ്ട്. താലൂക്ക് മുതൽ ആശുപത്രികളിൽ പ്രത്യേക ക്രമീകരണങ്ങൾ ഏർപ്പെടുത്തി.
എന്നാൽ, ആശുപത്രികളിൽ മരുന്നുണ്ടെങ്കിലും ഡോക്ടർമാരുടെ കുറവ് ഉയർന്ന ആശങ്കയാണ്. എറണാകുളം ചെറായിയിൽ വിനോദസഞ്ചാരിക്ക് പാമ്പ് കടിയേറ്റു. പാമ്പ് കടിയേറ്റാൽ ചെയ്യാൻ പാടില്ലാത്ത കാര്യങ്ങളെക്കുറിച്ച് പൊതുജനങ്ങളെ ബോധവൽക്കരിക്കേണ്ടതുണ്ട്. വേനൽക്കാലത്തോടെ പാമ്പുകളുടെ സഞ്ചാരവും കൂടുന്നു. സുരക്ഷിതത്വം ഉറപ്പാക്കാൻ ജനങ്ങൾ കൂടുതൽ ശ്രദ്ധിക്കേണ്ടതാണ്.
Photo and News Source: 24 News
