പാക്കറ്റ് ഭക്ഷണങ്ങളുടെ ശീലം ഏകാഗ്രതയും ബുദ്ധിശക്തിയും ഇല്ലാതാക്കുമെന്ന് പുതിയ ഗവേഷണം തെളിയിക്കുന്നു. മോനാഷ്, സാവോ പോളോ, ഡീക്കിൻ സർവകലാശാലകളുടെ സംയുക്ത പഠനത്തിൽ, അൾട്രാ പ്രോസസ്ഡ് ഭക്ഷണങ്ങൾ തലച്ചോറിന്റെ പ്രവർത്തനത്തെ ഗുരുതരമായി ബാധിക്കുന്നതായി കണ്ടെത്തി. അൽഷിമേഴ്സ് ആൻഡ് ഡിമെൻഷ്യ ജേണലിൽ പ്രസിദ്ധീകരിച്ച ഈ പഠനം മധ്യവയസ്കരും പ്രായമായവരുമായ 2100-ലധികം പേരിൽ നടത്തി. അവരുടെ ഊർജ്ജത്തിന്റെ 41% പാക്കറ്റ് ഭക്ഷണങ്ങളിൽ നിന്നായിരുന്നു. ചെറിയ മാറ്റങ്ങളും ശ്രദ്ധാശേഷിയിൽ വലിയ വ്യത്യാസമുണ്ടാക്കുമെന്നാണ് ഗവേഷകർ ചൂണ്ടിക്കാട്ടുന്നത്.
ഒരു പാക്കറ്റ് ചിപ്സ് പോലും ഏകാഗ്രതയിൽ കുറവുണ്ടാക്കും. സ്റ്റാൻഡേർഡ് കോഗ്നിറ്റീവ് ടെസ്റ്റുകളിൽ തലച്ചോറിന്റെ പ്രോസസ്സിംഗ് സ്പീഡും ശ്രദ്ധ കേന്ദ്രീകരിക്കാനുള്ള കഴിവും ഗണ്യമായി കുറയുന്നതായി കണ്ടെത്തി. പോഷകവ്യത്യാസം കാരണം ഈ ഭക്ഷണങ്ങൾ ശരീരത്തിനും തലച്ചോറിനും ദോഷകരമാണ്.
Photo and News Source: Kvartha
