കുവൈത്ത് വിദ്യാഭ്യാസ മന്ത്രാലയം ഇ-ലേണിങ്ങിന്റെ തുടർച്ചയെപ്പറ്റിയുള്ള വാർത്തകളെ നിഷേധിച്ചു. അടുത്ത അറിയിപ്പ് വരെ ഓൺലൈൻ പഠനം തുടരുമെന്ന് മന്ത്രാലയം വ്യക്തമാക്കി. നേരിട്ടുള്ള അധ്യയനത്തിലേക്കോ ക്രമീകരണങ്ങളിലെ പരിഷ്കാരത്തിലേക്കോ പുതിയ തീരുമാനങ്ങളൊന്നുമില്ലെന്നും മന്ത്രാലയം സൂചിപ്പിച്ചു.
വാർത്തകൾ ഔദ്യോഗിക സ്രോതസ്സുകളിലൂടെ മാത്രം സ്ഥിരീകരിക്കണമെന്നും അടിസ്ഥാനരഹിതമായ റിപ്പോർട്ടുകൾ പ്രചരിപ്പിക്കരുതെന്നും പൊതുജനങ്ങളോട് അഭ്യർത്ഥിച്ചു. തെറ്റായ വിവരങ്ങൾ തടയുന്നതിനും സുതാര്യമായ ആശയവിനിമയം ഉറപ്പാക്കുന്നതിനുമായി ഗവൺമെൻറ് കമ്മ്യൂണിക്കേഷൻ സെന്റർ വഴി വിശദീകരണം പുറപ്പെടുവിച്ചു.
അധ്യയന വർഷം തടസ്സമില്ലാതെ മുന്നോട്ട് കൊണ്ടുപോകുന്നതിനാണ് മുൻഗണന. സ്കൂളുകൾ തുറക്കുന്നതിനെപ്പറ്റിയുള്ള അഭ്യൂഹങ്ങൾക്ക് താൽക്കാലികമായി വിരാമമായി.
Photo and News Source: Asianet News
