തിയറ്ററുകളിൽ വൻ വിജയം കൊയ്ത 'ധുരന്ധർ 2' ഒടിടി റിലീസിന് ഒരുങ്ങുന്നു. ഇന്ത്യൻ സിനിമയിലെ എക്കാലത്തെയും വലിയ വിജയങ്ങളിൽ ഒന്നായി മാറിയ ഈ ചിത്രം, വൻ പ്രീ-റിലീസ് ഹൈപ്പോടെ മാർച്ച് 19-നാണ് തിയറ്ററുകളിൽ എത്തിയത്. ആദ്യ ഷോകൾക്ക് ശേഷം മികച്ച പ്രതികരണം നേടിയ ചിത്രം ബോക്സ് ഓഫീസിൽ റെക്കോർഡ് നേട്ടങ്ങളാണ് സ്വന്തമാക്കിയത്.
റിപ്പോർട്ടുകൾ പ്രകാരം, മെയ് 15-ന് ചിത്രം ഒടിടി പ്ലാറ്റ്ഫോമുകളിൽ സ്ട്രീമിംഗ് ആരംഭിക്കും. ഇന്ത്യയിൽ ജിയോ ഹോട്ട്സ്റ്റാറിലൂടെയും, ആഗോളതലത്തിൽ നെറ്റ്ഫ്ലിക്സിലൂടെയുമാണ് ചിത്രം പ്രേക്ഷകരിലേക്ക് എത്തുക. തിയറ്ററിൽ പ്രദർശിപ്പിച്ചതിനേക്കാൾ മൂന്ന് മിനിറ്റ് അധിക ദൈർഘ്യമുള്ള പതിപ്പാണ് ഒടിടിയിൽ റിലീസ് ചെയ്യുന്നത്. തിയറ്ററിൽ 3 മണിക്കൂർ 49 മിനിറ്റ് ഉണ്ടായിരുന്ന ചിത്രത്തിന്, ഒടിടി പതിപ്പിൽ 3 മണിക്കൂർ 52 മിനിറ്റ് 24 സെക്കൻഡ് ദൈർഘ്യമുണ്ട്.
സോഷ്യൽ മീഡിയയിൽ പ്രചരിക്കുന്ന വിവരങ്ങൾ അനുസരിച്ച്, 'ധുരന്ധർ ദി റിവെഞ്ച് (റോ ആൻഡ് അൺദേഖ)' എന്ന പേരിലാകും ഒടിടി പതിപ്പ് എത്തുക. ബോക്സ് ഓഫീസിൽ 1800 കോടിയിലധികം രൂപ ആഗോളതലത്തിൽ വാരിക്കൂട്ടിയ ചിത്രം, ദംഗലിന് ശേഷം ഇന്ത്യൻ സിനിമയിലെ ഏറ്റവും വലിയ രണ്ടാമത്തെ വിജയമായി മാറിയിരിക്കുകയാണ്. ബാഹുബലി 2, പുഷ്പ 2 തുടങ്ങിയ വമ്പൻ ചിത്രങ്ങളെ മറികടന്നാണ് ഈ നേട്ടം. ഒടിടി റിലീസിനെക്കുറിച്ചുള്ള ഔദ്യോഗിക പ്രഖ്യാപനത്തിനായി കാത്തിരിക്കുകയാണ് ആരാധകർ.
Photo and News Source: Asianet News
