പെരുമ്പാവൂരിൽ ഉണ്ടായ വാഹനാപകടത്തിൽ കാൽനടയാത്രക്കാരന് ഗുരുതരമായി പരിക്കേറ്റു. ഇന്നലെ രാത്രി പത്തരയോടെ ആശ്രമം ഹയർ സെക്കൻഡറി സ്കൂളിന് സമീപത്തുവെച്ചാണ് അപകടം നടന്നത്. നിയന്ത്രണം വിട്ട വാഹനം കാൽനടയാത്രക്കാരനെ ഇടിക്കുകയായിരുന്നു.
എതിർദിശയിൽ വന്ന രണ്ട് കാറുകളിൽ ഒന്ന് ഓവർടേക്ക് ചെയ്യാൻ ശ്രമിക്കുന്നതിനിടെയാണ് അപകടം സംഭവിച്ചത്. ഓവർടേക്ക് ചെയ്യുന്നതിനിടയിൽ കോഴി കയറ്റിയ വാഹനത്തിൽ ഇടിക്കുകയും, തുടർന്ന് നിയന്ത്രണം നഷ്ടപ്പെട്ട വാഹനം കാൽനടയാത്രക്കാരനെ ഇടിക്കുകയുമായിരുന്നു.
അപകടത്തിൽ പരിക്കേറ്റ കാരാട്ടുപള്ളിക്കര സ്വദേശി ഷാജിയെ ഉടൻ തന്നെ ആശുപത്രിയിൽ പ്രവേശിപ്പിച്ചു. നിലവിൽ ഇദ്ദേഹത്തെ വിദഗ്ധ ചികിത്സയ്ക്കായി കോട്ടയം മെഡിക്കൽ കോളേജിലേക്ക് മാറ്റിയിരിക്കുകയാണ്.
Photo and News Source: Kairali News
