ഓപ്പറേഷൻ സിന്ദൂരിന്റെ ഒന്നാം വാർഷികത്തോടനുബന്ധിച്ച് പ്രതിരോധ സേനകൾ സംയുക്ത വാർത്താസമ്മേളനം നടത്തി. ഭീകരതയ്ക്കെതിരായ പോരാട്ടം ശക്തമായി തുടരുമെന്നും, ഭീകരർക്ക് പൂർണ്ണ അർത്ഥത്തിൽ തിരിച്ചടി നൽകാൻ സാധിച്ചുവെന്നും സേനാ മേധാവികൾ വ്യക്തമാക്കി. പഹൽഗാമിൽ വീരമൃത്യു വരിച്ച ധീരജവാന്മാർക്ക് ആദരാഞ്ജലികൾ അർപ്പിച്ചുകൊണ്ടാണ് വാർത്താസമ്മേളനം ആരംഭിച്ചത്.
മുൻ ഡിജിഎംഒ ലെഫ്റ്റനന്റ് ജനറൽ രാജീവ് ഘായി, മുൻ ഡിഡിഎഒ എയർ മാർഷൽ അവധേഷ് കുമാർ ഭാരതി, ഡിജിഎൻഒ വൈസ് അഡ്മിറൽ എഎൻ പ്രമോദ്, ലെഫ്റ്റനന്റ് ജനറൽ സുബിൻ മിനിവാൾ എന്നിവർ വാർത്താസമ്മേളനത്തിൽ പങ്കെടുത്തു. ഓപ്പറേഷൻ സിന്ദൂർ വിവിധ സേനാ വിഭാഗങ്ങളുടെ ഏകോപനത്തിന്റെ മികച്ച ഉദാഹരണമാണെന്നും, സർക്കാരിൽ നിന്ന് പൂർണ്ണ പിന്തുണ ലഭിച്ചുവെന്നും അവർ പറഞ്ഞു.
പാക് അധിനിവേശ കശ്മീരിലും പാകിസ്ഥാനിലുമായി കരസേന ഏഴ് ഭീകര കേന്ദ്രങ്ങളും, വ്യോമസേന രണ്ട് ഭീകര കേന്ദ്രങ്ങളും തകർത്തു. ഈ ഓപ്പറേഷനിലൂടെ ഭീകര ക്യാമ്പുകൾക്ക് കനത്ത നാശനഷ്ടങ്ങൾ വരുത്താൻ സാധിച്ചു. ആത്മനിർഭർ ഭാരത് എന്ന ആശയം പ്രതിരോധ സംവിധാനങ്ങളെ സ്വയം നവീകരിക്കാൻ സഹായിച്ചെന്നും, നിശ്ചയിച്ച ലക്ഷ്യങ്ങൾ പൂർണ്ണമായും കൈവരിക്കാൻ കഴിഞ്ഞുവെന്നും സേനാ മേധാവികൾ കൂട്ടിച്ചേർത്തു.
Photo and News Source: Asianet News
