ന്യൂഡൽഹിയിൽ നടന്ന ഒരു ഹൃദയസ്പർശിയായ സംഭവമാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്. റെയിൽവേ പാളത്തിനടുത്ത് മേഞ്ഞുകൊണ്ടിരുന്ന എരുമക്കൂട്ടം ട്രെയിൻ വരുന്നത് കണ്ട് ഭയന്നുപോയി. ഭൂരിഭാഗം എരുമകളും പാതയിൽ നിന്ന് മാറിയെങ്കിലും ഒരെണ്ണം പാളത്തിൽ ഉറച്ചുനിന്നു. തുടർച്ചയായ ഹോൺ മുഴക്കലിനെ തുടർന്ന് ലോക്കോ പൈലറ്റ് ട്രെയിൻ പൂർണ്ണമായും നിർത്തി. തുടർന്ന് എൻജിനിൽ നിന്ന് ഇറങ്ങി, അദ്ദേഹം സ്വയം ട്രാക്കിലൂടെ നടന്ന് എരുമയെ സുരക്ഷിത സ്ഥാനത്തേക്ക് മാറ്റി.
സമയനിഷ്ഠയേക്കാൾ മനുഷ്യത്വത്തിനാണ് വിലയെന്ന് തെളിയിച്ച സംഭവമാണിത്. സോഷ്യൽ മീഡിയയിൽ വൈറലായ വീഡിയോയിലെ ഈ നടപടി നെറ്റിസൺസ് പ്രശംസിക്കുന്നു. ‘യഥാർത്ഥ ഹീറോ’ എന്നാണ് പലരും അദ്ദേഹത്തെ വിശേഷിപ്പിക്കുന്നത്.
Photo and News Source: Janam TV
