കണ്ണൂർ തന്നടയിൽ ഉഗ്രശേഷിയുള്ള ഗുണ്ടും വെടിമരുന്നും പൊലിസ് റെയ്‌ഡിൽ പിടികൂടി

കണ്ണൂരിലെ ചക്കരക്കൽ തന്നടയിൽ ഉഗ്രശേഷിയുള്ള ഗുണ്ടും വെടിമരുന്നും പോലീസ് റെയ്ഡിലൂടെ പിടികൂടി. എടക്കാട് പോലീസ് നടത്തിയ റെയ്ഡിൽ 5 ഗുണ്ടുകളും മൂന്ന് കിലോയിലധികം വെടിമരുന്നും കണ്ടെത്തി. മേപ്പൊയിൽ സ്വദേശി നാണുവിനെതിരെ കേസെടുത്തു.

വീട്ടിൽ ബോംബിന് സമാനമായ പടക്ക നിർമ്മാണം നടക്കുന്നതായി സ്പെഷൽ ബ്രാഞ്ച് റിപ്പോർട്ടിലൂടെ വ്യക്തമാക്കി. പടക്ക കടകൾക്ക് നിരോധനം ഏർപ്പെടുത്തിയതോടെ അനധികൃത പടക്ക നിർമ്മാണം വൻതോതിൽ നടക്കുന്നതായി പോലീസ് വെളിപ്പെടുത്തി. മെയ് 4-ലെ തെരഞ്ഞെടുപ്പ് ഫലപ്രഖ്യാപനത്തിന് സുരക്ഷാ നടപടികൾ ശക്തമാക്കാൻ പോലീസ് തീരുമാനിച്ചു.

Photo and News Source: Kerala Online News