തിരുവനന്തപുരം: 25 ദിവസത്തെ ഉത്കണ്ഠയും കണക്കുകൂട്ടലുകളും നിറഞ്ഞ കാത്തിരിപ്പ് ഇനി മണിക്കൂറുകൾക്കുള്ളിൽ അവസാനിക്കും. നാളെ രാവിലെ 8 മണിമുതൽ നിയമസഭാ തിരഞ്ഞെടുപ്പിന്റെ വോട്ടെണ്ണൽ ആരംഭിക്കും. ആദ്യം തപാൽ വോട്ടുകളാണ് എണ്ണുക. 15,000 ഉദ്യോഗസ്ഥർ വോട്ടെണ്ണലിനായി സജ്ജമായിരിക്കുന്നു.
യുഡിഎഫ് 85-ൽ കൂടുതൽ സീറ്റുകൾ നേടി അധികാരത്തിൽ എത്തുമെന്ന് ഉറപ്പിക്കുന്നു. 100 സീറ്റുവരെ ലഭിക്കുമെന്ന കണക്കുകൂട്ടലുമുണ്ട്. എക്സിറ്റ്പോൾ ഫലങ്ങൾ യുഡിഎഫിനെ ആവേശം കൊള്ളിക്കുന്നു. എൽഡിഎഫ് തുടർഭരണം ഉറപ്പാണെന്ന് വിശ്വസിക്കുന്നു. 75 സീറ്റുവരെ ലഭിക്കുമെന്നാണ് അവരുടെ കണക്കുകൂട്ടൽ.
ബിജെപി നേമം, കഴക്കൂട്ടം എന്നിവ ഉറപ്പിക്കുന്നതോടെ ചില മണ്ഡലങ്ങളിൽ അട്ടിമറി ജയവും പ്രതീക്ഷിക്കുന്നു. പാലക്കാട്, ചാത്തന്നൂർ എന്നിവിടങ്ങളിൽ എൻഡിഎ ജയം കാത്തിരിക്കുന്നു. ഫലം എൽഡിഎഫിനും യുഡിഎഫിനും നിർണായകമാണ്. പരാജയമുണ്ടെങ്കിൽ സംസ്ഥാനത്തെ രാഷ്ട്രീയ ചിത്രം തന്നെ മാറും.
Photo and News Source: Samakalika Malayalam
