തിരുവനന്തപുരം: സംസ്ഥാന സർക്കാർ വീണ്ടും ഒരു ഐഎഎസ് ഉദ്യോഗസ്ഥനായ പ്രശാന്ത് നായർക്കെതിരെ അച്ചടക്ക നടപടി സ്വീകരിച്ചു. കഴിഞ്ഞ ഒരു വർഷത്തിനുള്ളിൽ ഇത് എട്ടാം തവണയാണ്. സർക്കാരിന്റെ നയപരമായ കാര്യങ്ങളിൽ അനുമതി ഇല്ലാതെ മാധ്യമങ്ങളോട് പ്രതികരിച്ചതിനാണ് ചീഫ് സെക്രട്ടറി നോട്ടീസ് അയച്ചിരിക്കുന്നത്. അഖിലേന്ത്യാ സർവീസ് ചട്ടങ്ങൾ ലംഘിച്ച് പരസ്യപ്രതികരണം നടത്തിയതും, സർക്കാരിന്റെ നയപരമായ തീരുമാനങ്ങളെക്കുറിച്ച് മുൻകൂട്ടി അറിയാതെ മാധ്യമങ്ങളോട് സംസാരിച്ചതുമാണ് കുറ്റങ്ങൾ.
നിലവിൽ സസ്പെൻഷനിലിരിക്കുന്ന ഉദ്യോഗസ്ഥനെതിരെ തുടർച്ചയായി ഉള്ള ഈ നടപടികൾ മാധ്യമങ്ങളിൽ വലിയ ചർച്ചയാണ്. ബി. അശോക് ഉൾപ്പെടെയുള്ള മുതിർന്ന ഐഎഎസ് ഉദ്യോഗസ്ഥർക്കെതിരെ സമാനമായ പ്രശ്നങ്ങൾ ഉന്നയിച്ച് സർക്കാർ സസ്പെൻഡ് ചെയ്തിരുന്നു. ഇരുവരുടെയും ഓൺലൈൻ അഭിമുഖങ്ങൾ ഇന്റർനെറ്റിൽ വൈറലായി. നേർത്തെയും സോഷ്യൽ മീഡിയ ഇടപെടലുകളുടെയും മറ്റു ഔദ്യോഗിക വീഴ്ചകളുടെയും പേരിൽ പ്രശാന്ത് നായർക്കെതിരെ അന്വേഷണങ്ങളും നടപടികളും ഉയർന്നുവരുന്നു.
Photo and News Source: Sathyam Online
