ആരും പേടിക്കേണ്ട…; ആ അപ്രതീക്ഷിത സന്ദേശമോ ഉച്ചത്തിലുള്ള ബീപ് ശബ്ദമോ ഇന്നെത്തും, കാരണം

ഇന്ന് ദേശീയ ദുരന്ത നിവാരണ അതോറിറ്റിയും ടെലികമ്യൂണിക്കേഷൻ വകുപ്പും ചേർന്ന് രാജ്യവ്യാപകമായി ‘സെൽ ബ്രോഡ്‌കാസ്റ്റ് അലേർട്ട് സിസ്റ്റം’ പരീക്ഷിക്കുന്നു.

ഇത് പ്രകൃതി ദുരന്തങ്ങളെക്കുറിച്ചുള്ള അതിവേഗ മുന്നറിയിപ്പുകൾ ജനങ്ങളിലേക്ക് എത്തിക്കാനുള്ള സംവിധാനമാണ്. തിരഞ്ഞെടുത്ത മൊബൈൽ ഫോണുകളിൽ ഉച്ചത്തിലുള്ള ബീപ് ശബ്ദത്തോടെ ‘Emergency Alert: Severe’ എന്ന സന്ദേശം ലഭിക്കും.

സന്ദേശം ഇംഗ്ലീഷ്, ഹിന്ദി, പ്രാദേശിക ഭാഷകളിലായിരിക്കും. ഫോൺ സൈലന്റ് മോഡിലാണെങ്കിലും ശബ്ദം കേൾക്കാനാകും. സ്ക്രീനിൽ തെളിയുന്ന ‘ഓക്കേ’ ബട്ടൺ അമർത്തിയാൽ ശബ്ദം നിലയ്ക്കും.

റേഡിയോ, ടിവിയേക്കാൾ വേഗത്തിൽ നിശ്ചിത പ്രദേശത്തെ എല്ലാവരും ഒരേസമയം മുന്നറിയിപ്പ് ലഭിക്കാൻ ഈ സംവിധാനം സഹായിക്കും. പരീക്ഷണ സന്ദേശമാണെന്നത് വ്യക്തമായി രേഖപ്പെടുത്തിയിരിക്കും. പൊതുജനങ്ങൾ ആശങ്കപ്പെടേണ്ടതില്ല.

Photo and News Source: Kairali News