തമിഴ് സിനിമയിലെ പ്രമുഖ സംഗീത സംവിധായകനിൽ നിന്ന് ലൈംഗികാതിക്രമം നേരിടേണ്ടി വന്നതായി ഗായിക സ്വാഗത എസ് കൃഷ്ണൻ വെളിപ്പെടുത്തുന്നു. ചെന്നൈയിൽ നിന്ന് ഋഷികേശിലേക്ക് താമസം മാറിയ അവർ, സംഭവത്തെ തുടർന്നാണ് സിനിമാ മേഖലയിൽ നിന്നും പിന്മാറിയതെന്നും പറയുന്നു.
സ്റ്റുഡിയോയിലെ സൗണ്ട് പ്രൂഫ് മുറിയിലായിരുന്നു പീഡനം. ആരും കേൾക്കാത്ത സ്ഥലമായതിനാൽ അവർ അലറി വിളിച്ചാലും ഫലമുണ്ടായിരുന്നില്ല. മുറിയിൽ സിസിടിവി ക്യാമറകളും ഒളിക്യാമറകളും ഉണ്ടായിരുന്നു. പീഡനം ക്യാമറയിൽ പകർത്തിയ ശേഷം, സംഭവം പുറത്തറിയാതിരിക്കാനായി ഭീഷണിപ്പെടുത്തിയതായും സ്വാഗത പറയുന്നു.
ജയിലിലെത്തിക്കുമെന്ന് ഭീഷണിപ്പെടുത്തിയിട്ടും സംഗീത സംവിധായകൻ തന്റെ പ്രവർത്തനങ്ങൾ തുടർന്നുവെന്നാണ് സ്വാഗതയുടെ ആരോപണം. സ്ത്രീകളെ സാമ്പത്തികമായും വൈകാരികമായും അടുപ്പിച്ച്, അവരുടെ മേൽ അധികാരം സ്ഥാപിക്കുന്നതാണ് ഇയാളുടെ രീതി. സംഭവത്തെ തുടർന്ന് നിരവധി സ്ത്രീകൾ ഇയാളുടെ ഇരകളായതായി അവർ സൂചിപ്പിക്കുന്നു.
Photo and News Source: Janmabhumi
