ഭുവനേശ്വറിലെ ഗണിതശാസ്ത്രം, പ്രയോഗിക പഠനങ്ങൾക്കുള്ള പ്രമുഖ സ്ഥാപനമായ *ഇൻസ്റ്റിറ്റ്യൂട്ട് ഓഫ് മാത്തമാറ്റിക്സ് ആൻഡ് ആപ്ലിക്കേഷൻസ്* 2026-27 അധ്യയന വർഷത്തേക്കുള്ള പ്രവേശനത്തിന് അപേക്ഷ ക്ഷണിക്കുന്നു. ഗണിതശാസ്ത്രം, കമ്പ്യൂട്ടിംഗ്, ഡാറ്റാ സയൻസ്, കൃത്രിമബുദ്ധി തുടങ്ങിയ മേഖലകളിലെ യു.ജി., പി.ജി. പ്രോഗ്രാമുകളിലേക്ക് പ്രവേശനം ലഭിക്കും.
യു.ജി. ബി.എസ്സി. (ഓണേഴ്സ്) ഇൻ മാത്തമാറ്റിക്സ് ആൻഡ് കംപ്യൂട്ടിങ് പ്രോഗ്രാമിന് ഹയർ സെക്കൻഡറി പരീക്ഷയിൽ ഗണിതശാസ്ത്രം, ഇംഗ്ലീഷ് വിഷയങ്ങളിൽ വിജയം നേടിയവർക്ക് അവസരം. പ്രതിവർഷ ഫീ 25,000 രൂപ.
ഇന്റഗ്രേറ്റഡ് എം.എസ്സി. പ്രോഗ്രാമുകളായ മാത്തമാറ്റിക്സ് ആൻഡ് കംപ്യൂട്ടിങ്, മാത്തമാറ്റിക്സ് ആൻഡ് ആർട്ടിഫിഷ്യൽ ഇന്റലിജൻസ് എന്നിവയ്ക്ക് ഹയർ സെക്കൻഡറി വിജയിച്ചവർക്ക് പ്രവേശനം. ആദ്യ നാലുവർഷം 25,000 രൂപയും അഞ്ചാം വർഷം 50,000 രൂപയുമാണ് ഫീ.
പി.ജി. പ്രോഗ്രാമായ എം.എ./എം.എസ്സി. ഇൻ മാത്തമാറ്റിക്സ് വിത്ത് ഡേറ്റാ സയൻസിന് ബാച്ച്ലർ ബിരുദം പൂർത്തിയാക്കിയവർക്ക് അവസരം. വിശദവിവരങ്ങൾക്കായി സ്ഥാപനത്തിന്റെ വെബ്സൈറ്റ് സന്ദർശിക്കുക.
Photo and News Source: Mathrubhumi
