കോട്ടയത്ത് പ്രമുഖ പൊതുപ്രവർത്തകനും ഉപഭോക്തൃ അവകാശ സംഘാടകനുമായ ഡിജോ കാപ്പൻ (67) അന്തരിച്ചു. 2025 ഒക്ടോബറിൽ വാഹനാപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന അദ്ദേഹം എറണാകുളത്തെ സ്വകാര്യ ആശുപത്രിയിൽ വച്ച് അന്ത്യം വരിച്ചു.
ദശകങ്ങളോളം ഉപഭോക്തൃ അവകാശത്തിനായി പോരാടിയ ഡിജോ കാപ്പൻ കേരളത്തിലെ സാമൂഹിക മണ്ഡലത്തിലെ സജീവ സാന്നിധ്യമായിരുന്നു. ഗതാഗത നിയമങ്ങൾ, ഇൻഷുറൻസ് പോളിസികൾ, റോഡ് സുരക്ഷ എന്നീ വിഷയങ്ങളിൽ ജനങ്ങളെ ബോധവത്കരിക്കുന്നതിൽ അദ്ദേഹം മുൻപന്തിയിലുണ്ടായിരുന്നു.
1982-ൽ കേരള സർവകലാശാല യൂണിയൻ ജനറൽ സെക്രട്ടറിയായി പ്രവർത്തിച്ച അദ്ദേഹം പിരിവിലെ അനീതികൾ, റോഡ് നികുതി, കെഎസ്ആർടിസിയിലെ പ്രശ്നങ്ങൾ എന്നിവയെക്കുറിച്ച് കോടതികളിലൂടെ സർക്കാരിനെ ചോദ്യം ചെയ്തു. പാലാ കേന്ദ്രമായി പ്രവർത്തിക്കുന്ന കൺസ്യൂമർ പ്രൊട്ടക്ഷൻ സെന്ററിന്റെ മാനേജിംഗ് ട്രസ്റ്റിയായും അദ്ദേഹം സേവനമനുഷ്ഠിച്ചു.
ടെലികോം, ബാങ്കിംഗ് മേഖലകളിലെ തട്ടിപ്പുകൾക്കെതിരെ അദ്ദേഹം നടത്തിയ പോരാട്ടം നിരവധി പേര് നീതി ഉറപ്പാക്കി. ചാനൽ ചർച്ചകളിൽ വസ്തുതകളെ അടിസ്ഥാനമാക്കി സംസാരിച്ചിരുന്ന ഡിജോ കാപ്പൻ സങ്കീർണ്ണമായ വിഷയങ്ങളെ ലളിതമായി വിശദീകരിക്കാൻ കഴിവുള്ള വ്യക്തിയായിരുന്നു.
Photo and News Source: Sathyam Online
