കോഴിക്കോട്: മാട്രിമോണിയല് സൈറ്റിലൂടെ പരിചയപ്പെട്ട ‘അഞ്ജന’ എന്ന യുവതി, വിവാഹ ആലോചനയുമായെത്തി സൗഹൃദം സ്ഥാപിച്ചു. തുടർന്ന് നിക്ഷേപത്തിന്റെ പേരില് 34 ലക്ഷം രൂപ തട്ടിയെടുത്തു.
സംഭവത്തില് കോഴിക്കോട് സൈബര് പോലീസ് കേസെടുത്ത് അന്വേഷണം ത്വരിതപ്പെടുത്തി. യുവാവിന്റെ വിശ്വാസം നേടിയ ശേഷം ഓണ്ലൈന് നിക്ഷേപത്തിനുള്ള കെണി ഒരുക്കി. ഇരട്ടി ലാഭം എന്ന വ്യാജ വാഗ്ദാനത്തില് 41 തവണകളിലായി 34 ലക്ഷം രൂപ അയച്ചു.
പണം കൈമാറിയതോടെ യുവതിയുടെ ഫോണ് ഓഫായി. ബന്ധപ്പെടാന് സാധിക്കാതെ വരികയും ചെയ്തു. താന് വഞ്ചിക്കപ്പെട്ടതായി മനസ്സിലാക്കിയ യുവാവ് പോലീസ് സമീപിച്ചു.
ഓണ്ലൈന് തട്ടിപ്പുകള് വർധിച്ചു വരുന്ന സാഹചര്യത്തില്, ഇത്തരം ലിങ്കുകളിലൂടെയുള്ള പണമിടപാടുകളില് അതീവ ജാഗ്രത പാലിക്കണമെന്ന് സൈബര് സെല് നിര്ദ്ദേശിച്ചു. മാട്രിമോണിയല് സൈറ്റുകളിലൂടെ പരിചയപ്പെടുന്നവരുടെ പണമിടപാടുകളില് സൂക്ഷ്മത പാലിക്കേണ്ടതുണ്ട്.
Photo and News Source: Janam TV
