ചൈനീസ് കമ്പനികളുടെ ഹൈബ്രിഡ് എസ്.യു.വികള് ഇന്ത്യയിലെ വാഹനവിപണി കീഴടക്കാന് കുതിക്കുന്നു. ബിവൈഡി ലെപ്പേര്ഡ് 8, ജെറ്റോര് ടി2, സ്റ്റാര്ലൈറ്റ് 560 എന്നിവയാണ് പ്രധാന മോഡലുകള്. ഇവയുടെ വരവോടെ മഹീന്ദ്ര എക്സ്.യു.വി 700, ടാറ്റ സഫാരി തുടങ്ങിയ ഇന്ത്യൻ എസ്.യു.വികളുമായി കടുത്ത മത്സരം നേരിടും.
സ്റ്റാര്ലൈറ്റ് 560 1.5 ലിറ്റര് പെട്രോള് എഞ്ചിനും 20.5 കിലോവാട്ട് ബാറ്ററിയും ഉപയോഗിക്കുന്നു. സംയോജിത മോഡില് 197 ഹോഴ്സ് പവറും 230 എന്.എം ടോര്ക്കും ഉത്പാദിപ്പിക്കുന്നു. 9.7 സെക്കന്റില് 0-100 കിലോമീറ്റര് വേഗത്തിലെത്തുമെന്നാണ് കമ്പനി അവകാശപ്പെടുന്നത്. പരമാവധി വേഗത മണിക്കൂറില് 170 കിലോമീറ്ററാണ്. ഇലക്ട്രിക് മോഡില് 125 കിലോമീറ്ററും സംയോജിത മോഡില് 100 കിലോമീറ്ററുമാണ് റേഞ്ച്.
ജെറ്റോര് ടി2 1.5 ലിറ്റര് ടര്ബോ പെട്രോള് എഞ്ചിനും 26.7 കിലോവാട്ട് ബാറ്ററിയുമായി 156 ഹോഴ്സ് പവറുമായി വരുന്നു. രണ്ടും ചേർന്ന് ഇന്ത്യയില് ഹൈബ്രിഡ് എസ്.യു.വികളുടെ യുഗം ആരംഭിക്കുമെന്ന് പ്രതീക്ഷിക്കുന്നു. ദീപാവലിക്ക് മുന്നോടിയായി ഈ മോഡലുകള് വിപണിയിലെത്തുമെന്നാണ് കരുതുന്നത്.
Photo and News Source: Kairali News
