മുംബൈയിലെ സിയോൺ-പൻവേൽ ഹൈവേയിൽ മേൽപ്പാല നിർമ്മാണത്തിനിടെ പൈലിംഗ് യന്ത്രം തകർന്നു വീണ അപകടത്തിൽ നെഹ്റു നഗർ പോലീസ് സ്റ്റേഷൻ കോൺസ്റ്റബിൾ സന്തോഷ് ഗോപാൽ ചവാൻ മരണമടഞ്ഞു. ഡ്യൂട്ടി കഴിഞ്ഞ് ബൈക്കിൽ വീട്ടിലേക്കുള്ള യാത്രാമധ്യേ മൻഖുർദ് ടി ജംഗ്ഷന് സമീപം സംഭവിച്ചത്. പൈലിംഗ് മെഷീൻ ഒരു വശത്തേക്ക് ചരിഞ്ഞ് പോലീസുകാരന്റെ മേൽ പതിക്കുകയായിരുന്നു. ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ഈ അപകടം ഗതാഗതക്കുരുക്കിന് ഇടയാക്കി. കിഴക്കൻ പ്രാന്തപ്രദേശങ്ങളിലും ഈസ്റ്റേൺ എക്സ്പ്രസ് ഹൈവേയിലും കിലോമീറ്ററുകളോളം വാഹനങ്ങൾ കുടുങ്ങി. നോർത്ത് ബൗണ്ട് സ്ട്രെച്ചിലെ പുതിയ പാലത്തിന് സമീപം മണിക്കൂറുകളോളം ഗതാഗതം തടഞ്ഞുനിന്നു. മുംബൈ ട്രാഫിക് പോലീസിന്റെ ശ്രമഫലമായി ഗതാഗതം പുനഃസ്ഥാപിക്കപ്പെട്ടു.
Photo and News Source: Janam TV
