ന്യൂഡൽഹി: അസം നിയമസഭാ തിരഞ്ഞെടുപ്പിൽ ബിജെപി നേതൃത്വത്തിലുള്ള എൻഡിഎ സഖ്യത്തിന് ഭരണത്തുടർച്ച ലഭിക്കുമെന്ന് എക്സിറ്റ് പോൾ പ്രവചിക്കുന്നു. 126 സീറ്റുകളുള്ള നിയമസഭയിൽ 64 സീറ്റുകൾ നേടുന്നതാണ് ഭൂരിപക്ഷത്തിനുള്ളത്. പീപ്പിൾ പൾസ് പ്രവചിക്കുന്നത് 68–72 സീറ്റുകൾ എൻഡിഎയ്ക്കും 22–26 സീറ്റുകൾ കോൺഗ്രസിനുമാണ്. മാട്രിസ് സർവേ അനുസരിച്ച് 85–95 സീറ്റുകൾ എൻഡിഎയ്ക്കും 25–32 സീറ്റുകൾ കോൺഗ്രസിനുമാണ് ലഭിക്കുക.
ആക്സിസ് മൈ ഇന്ത്യ എക്സിറ്റ് പോൾ 88–100 സീറ്റുകൾ എൻഡിഎയ്ക്കും 24–36 സീറ്റുകൾ കോൺഗ്രസിനുമാണ് പ്രവചിക്കുന്നത്. ജെവിസി എക്സിറ്റ് പോൾ 88–101 സീറ്റുകൾ എൻഡിഎയ്ക്കും 23–33 സീറ്റുകൾ കോൺഗ്രസിനുമാണ് പ്രവചിക്കുന്നത്. മറ്റുള്ളവർക്ക് 0–5 സീറ്റുകൾ മാത്രമേ ലഭിക്കൂ. തമിഴ്നാട്ടിലും ഭരണകക്ഷി തുടരുമെന്നാണ് എക്സിറ്റ് പോളുകൾ സൂചിപ്പിക്കുന്നത്. ഡിഎംകെ സഖ്യം 125–145 സീറ്റുകളും അണ്ണാഡിഎംകെ സഖ്യം 65–80 സീറ്റുകളും നേടുമെന്ന് പീപ്പിൾ പൾസ് പ്രവചിക്കുന്നു.
നടൻ വിജയിന്റെ ടിവികെ 18–24 സീറ്റുകൾ നേടുമെന്നും പ്രവചിക്കുന്നു. 234 സീറ്റുകളുള്ള തമിഴ്നാട് നിയമസഭയിൽ 84. 69% പോളിങ്ങ് രേഖപ്പെടുത്തി. 5. 73 കോടി വോട്ടർമാരാണ് സംസ്ഥാനത്തുള്ളത്. 38 ദിവസം നീണ്ട പ്രചാരണത്തിനൊടുവിലാണ് വോട്ടെടുപ്പ് നടന്നത്.
Photo and News Source: Media Mangalam
