എറണാകുളം: വി.ഡി. സതീശനെ ‘നിയുക്ത മുഖ്യമന്ത്രി’ എന്ന് വിശേഷിപ്പിച്ച് മൂവാറ്റുപുഴയിലെ കിഴക്കേക്കര മണിയംകുളം കവലയിൽ ഫ്ലക്സ് ബോർഡ് പ്രത്യക്ഷപ്പെട്ടു. ‘നിയുക്ത മുഖ്യമন্ত্রി വി.ഡി. സതീശന് അഭിവാദ്യങ്ങൾ’ എന്നായിരുന്നു അതിൽ എഴുതിയിരുന്നത്. സ്ഥാപിച്ചവരുടെ പേരോ മറ്റു വിവരങ്ങളോ ഉണ്ടായിരുന്നില്ല.
ബോർഡ് പ്രത്യക്ഷപ്പെട്ട് മണിക്കൂറുകൾക്കകം എടുത്തുമാറ്റി. കോൺഗ്രസ് നേതൃത്വം പരിശോധന നടത്തുമെന്ന് അറിയിച്ചു. സതീശൻ അനുകൂലികളാണോ അതോ വിവാദം സൃഷ്ടിക്കാൻ മറ്റാർക്കാണോ ഇത് ചെയ്തതെന്ന് അന്വേഷിക്കുമെന്നാണ് മൂവാറ്റുപുഴ കോൺഗ്രസ് നേതൃത്വം.
ഇന്നലെ കോഴിക്കോട്, മലപ്പുറം, ആലുവ എന്നിവിടങ്ങളിലും സമാന ഫ്ലക്സ് ബോർഡുകൾ പ്രത്യക്ഷപ്പെട്ടു. കോഴിക്കോട് ഡിസിസി ഓഫീസിന് സമീപം സ്ഥാപിച്ച ഫ്ലക്സിൽ ‘ടൂർണമെന്റ് ജയിച്ചാൽ കപ്പ് വാങ്ങുന്നത് ക്യാപ്റ്റനെന്ന്’ എഴുതിയിരുന്നു. സേവ് കോൺഗ്രസ് ഫോറം എന്നാണ് അതിൽ രേഖപ്പെടുത്തിയിരുന്നത്.
Photo and News Source: Asianet News
