ഐപിഎൽ മത്സരത്തിനിടെ ഡ്രസ്സിങ് റൂമിൽ ഇ-സിഗരറ്റ് വലിക്കുന്ന റിയാൻ പരാഗിന്റെ ദൃശ്യങ്ങൾ സോഷ്യൽ മീഡിയയിൽ വൈറലായി. മുല്ലൻപൂരിലെ മഹാരാജ യാദവീന്ദ്രസിങ് സ്റ്റേഡിയത്തിലായിരുന്നു സംഭവം. ക്യാപ്റ്റൻ പുറത്തായതിന് ശേഷം ഡ്രസ്സിങ് റൂമിൽ എത്തിയ റിയാൻ പരാഗ് നിമിഷങ്ങൾക്കകം ഇ-സിഗരറ്റ് വലിക്കുന്നത് ക്യാമറയിൽ പതിഞ്ഞു.
ദൃശ്യങ്ങൾ പുറത്തുവന്നതോടെ റോയൽസ് ആരാധകരും മാധ്യമങ്ങളും കടുത്ത വിമർശനമുയർത്തി. ഇ-സിഗരറ്റ് ഉപയോഗം ഇന്ത്യയിൽ പൂർണ്ണമായി നിരോധിച്ചിട്ടുണ്ട്. 2019-ലെ നിയമമനുസരിച്ച് ഉത്പാദനം, വിൽപ്പന, ഇറക്കുമതി, പരസ്യം എന്നിവയെല്ലാം നിരോധിതമാണ്. തടവ്, പിഴ എന്നിവയടക്കം കർശന ശിക്ഷാ നടപടികൾ ഉണ്ട്.
സ്റ്റേഡിയത്തിനുള്ളിലും ഡ്രസ്സിങ് റൂമിലും പുകവലി നിരോധിച്ചിരിക്കുന്നു. പ്രത്യേക അനുവദിത സ്ഥലങ്ങളിലാണ് പുകവലിക്കാൻ കഴിയുക. ഒരു അത്ലറ്റിന്റെ നിലയിൽ നിരോധിത വസ്തു ഉപയോഗിക്കുന്നത് ഗുരുതരമായ പിഴവാണ്. ബി.സി.സി.ഐ കർശന നടപടി സ്വീകരിക്കുമെന്ന് സൂചനയുണ്ട്.
Photo and News Source: Kerala Online News
