ചെന്നൈ: നിയമസഭാ തിരഞ്ഞെടുപ്പിൽ കുട്ടികളെ വോട്ടഭ്യർഥനയ്ക്കായി ഉപയോഗിച്ചുവെന്ന ആരോപണത്തെത്തുടർന്ന് നടനും പാർട്ടിനേതാവുമായ വിജയ് മേൽ ബാലാവകാശ കമ്മിഷനിൽ പരാതി. ചൈൽഡ് റൈറ്റ്സ് വാച്ച് എന്ന സംഘടനയാണ് പരാതി നൽകിയത്. രാഷ്ട്രീയ നേട്ടത്തിനായി കുട്ടികളെ ചൂഷണം ചെയ്യുന്ന പ്രവണതയെ കർശനമായി നിരാകരിച്ച സംഘടന, ഇത്തരം പ്രവർത്തികൾ നിയമവിരുദ്ധമാണെന്ന് സൂചിപ്പിച്ചു.
‘ടി.വി.കെ.ക്കുവേണ്ടി വോട്ടഭ്യർഥിക്കാൻ കുട്ടികളെ പ്രചാരണത്തിന്റെ മുൻനിരയിൽ നിർത്തിയത് കുട്ടികളുടെ മാനസികാരോഗ്യത്തെ ബാധിക്കും. അവർക്ക് വിദഗ്ധ കൗൺസലിങ് നൽകണം. കർശന നടപടി വേണം’ എന്ന് സംഘടന ആവശ്യപ്പെട്ടു.
വിജയ് മേൽ അമിതാരാധന മൂലം കുട്ടികൾക്ക് ഉണ്ടായ വൈകാരിക പ്രശ്നങ്ങളുടെ ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിച്ചു. രാഷ്ട്രീയ നേട്ടത്തിനായി കുട്ടികളുടെ വൈകാരിക പ്രകടനങ്ങൾ ഉപയോഗപ്പെടുത്തുന്നത് തടയണമെന്നും വിജയ് മേൽ സ്വമേധയാ കേസെടുക്കണമെന്നും സംഘടന ആവശ്യപ്പെട്ടു. വിജയ് പരസ്യമായി മാപ്പുപറയണമെന്നും ആവശ്യമുന്നയിച്ചു.
Photo and News Source: Newsthen
