കോഴിക്കോട് പോലീസ് കുപ്രസിദ്ധ മോഷ്ടാവ് ഡോളർ അനിയെ (അനില്കുമാര്, 38) പിടികൂടി. കഴിഞ്ഞ മാസം 24-ന് അഴകൊടി ക്ഷേത്രത്തിനടുത്തുള്ള സൈബർ ഫോറൻസിക് വിദഗ്ദ്ധൻ വിനോദ് ഭട്ടത്തിരിപ്പാടിന്റെ വീട്ടിൽ നിന്ന് 20 പവനോളം സ്വർണം മോഷണം നടത്തിയ കേസിലായിരുന്നു പ്രതികളുടെ അറസ്റ്റ്. വീട്ടുകാർ പുറത്തുപോയ സമയം മുന്വാതില് പൊളിച്ചാണ് മോഷണം നടന്നത്.
പ്രതികളിൽ ഒരാളായ ജെയിംസ് (57) സ്വർണം വില്ക്കാൻ സഹായിച്ചതായി പോലീസ് അറിയിച്ചു. പോലീസ് സംഘം രൂപീകരിച്ച് അന്വേഷണം നടത്തിയെങ്കിലും അനില് ഒളിവിലായിരുന്നു. സിസിടിവി ദൃശ്യങ്ങളും ശാസ്ത്രീയ തെളിവുകളും പരിശോധിച്ചതിലൂടെ മോഷണം അനില്കുമാറാണെന്ന് തിരിച്ചറിഞ്ഞു.
തുടർന്ന് കര്ണാടകയിലും തമിഴ്നാട്ടിലും തിരച്ചിലിൽ ഏർപ്പെട്ട പോലീസ്, തമിഴ്നാട്ടിലെ കമ്പത്തുള്ള കോളനിയിൽ ഇയാളെ കണ്ടെത്തിയെങ്കിലും മറ്റൊരു കേസുമായി ബന്ധപ്പെട്ട് തമിഴ്നാട് പോലീസ് എത്തിയതോടെ അനില് തേനിയിലേക്ക് പലായനം ചെയ്തു. തേനി ടൗണിലാണ് സാഹസികമായി പോലീസ് ഇയാളെ കസ്റ്റഡിയിലെടുത്തത്. അനില്കുമാറിന്റെ അറസ്റ്റോടെ കോഴിക്കോട്, വയനാട് തുടങ്ങിയ പ്രദേശങ്ങളിലെ എട്ടോളം കവർച്ചാ കേസുകൾക്ക് തുമ്പുണ്ടായി.
Photo and News Source: Siraj Live
