ലോകമെമ്പാടുമുള്ള 10-15% ആളുകളെ ബാധിക്കുന്ന ഒരു പ്രധാന ആരോഗ്യപ്രശ്നമാണ് ഇറിറ്റബിൾ ബവൽ സിൻഡ്രോം (ഐ.ബി.എസ്).
ദഹനവ്യവസ്ഥയെ ബാധിക്കുന്ന ഈ അവസ്ഥയെക്കുറിച്ചുള്ള അവബോധം വളർത്തുന്നതിനും, ഇതിന്റെ സാധ്യതകളും ലക്ഷണങ്ങളും ജനങ്ങൾക്കിടയിൽ വ്യാപിപ്പിക്കുന്നതിനുമാണ് ഐ.ബി.എസ് ദിനം നീക്കിവെച്ചിരിക്കുന്നത്. 40 വയസ്സിന് താഴെയുള്ളവരിലാണ് ഈ രോഗം കൂടുതലായി കണ്ടുവരുന്നത്.
മാനസിക സമ്മർദ്ദം, കുടുംബ ചരിത്രം, ഭക്ഷണശീലങ്ങൾ എന്നിവ ഐ.ബി.എസിന് കാരണമാകുന്നു. ഗോതമ്പ്, പാൽ ഉൽപ്പന്നങ്ങൾ, മദ്യം, കാർബണേറ്റഡ് പാനീയങ്ങൾ എന്നിവ രോഗലക്ഷണങ്ങളെ വഷളാക്കുന്നു.
ഭക്ഷണം വേഗത്തിൽ കഴിക്കുന്നത്, സമ്മർദ്ദത്തോടെ ഭക്ഷണം കഴിക്കുന്നത്, കൂടിയ അളവിൽ ഭക്ഷണം കഴിക്കുന്നത് എന്നിവയും രോഗസാധ്യത വർദ്ധിപ്പിക്കുന്നു. കൂടാതെ, ചില മരുന്നുകളും ഐ.ബി.എസിന് കാരണമാകാം.
രോഗലക്ഷണങ്ങൾ ശരിയായി തിരിച്ചറിയുന്നതും, ആരോഗ്യകരമായ ഭക്ഷണശീലങ്ങളും, മാനസിക സമ്മർദ്ദം കുറയ്ക്കുന്നതും രോഗം നിയന്ത്രിക്കുന്നതിന് പ്രധാനമാണ്.
Photo and News Source: Sathyam Online
