തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധി അതിരൂക്ഷമായതോടെ, ഇന്ന് മുതൽ വൈദ്യുതി നിയന്ത്രണം ഏർപ്പെടുത്തുന്നതായി കെഎസ്ഇബി പ്രഖ്യാപിച്ചു. ചേർന്ന യോഗത്തിൽ തീരുമാനമെടുത്തു. വൈകുന്നേരം 6 മണി മുതൽ രാത്രി 12 മണി വരെ വിവിധ പ്രദേശങ്ങളിൽ മാറി മാറി അരമണിക്കൂർ വൈദ്യുതി മുടക്കം നടപ്പിലാക്കും.
നിലവിലെ ക്ഷാമം പരിഹരിക്കാൻ കേന്ദ്ര വിഹിതത്തിൽ നിന്ന് 200 മെഗാവാട്ട് വൈദ്യുതി ലഭ്യമാകും. ഇത് പ്രതിസന്ധിക്ക് ചെറിയ ആശ്വാസം നൽകുമെന്നാണ് കരുതപ്പെടുന്നത്. എങ്കിലും ആവശ്യവും വിതരണവും തമ്മിലുള്ള വലിയ അന്തരം നിലനിൽക്കുന്നതിനാൽ നിയന്ത്രണം അനിവാര്യമായെന്നും കെഎസ്ഇബി അധികൃതർ വ്യക്തമാക്കി.
വേനൽക്കാലത്ത് വൈദ്യുതി ഉപയോഗം റെക്കോർഡ് നിലയിൽ ഉയർന്നതും ഉൽപ്പാദനത്തിലെ കുറവും നിയന്ത്രണത്തിലേക്ക് നയിച്ചു. തിരക്കേറിയ സമയങ്ങളിൽ അനാവശ്യ ഉപകരണങ്ങൾ പ്രവർത്തിപ്പിക്കാതെ ഉപഭോക്താക്കൾ സഹകരിക്കണമെന്ന് കെഎസ്ഇബി അഭ്യർത്ഥിച്ചു.
Photo and News Source: Sathyam Online
